MANDI
>>>
Al è muart lunis Giorgio Ferigo, un dai protagoniscj de rinassince musicâl furlane dai agns ‘70. Ferigo, nassût a Comelians intal 1949, al è stât di fat il cûr dal Povolâr Ensamble, un dai cjançonîrs che vie pai agns ‘70 a àn segnât un troi gnûf pe musiche furlane e par furlan. Se i prins tescj a rimontin al ‘71, il grup al à tacât a sunâ vie pal 1975 e al è lât indenant fin ai 27 di Fevrâr dal 1988. “O vin durât plui dai Beatles e le vin gjoldude un marimont” al comentave chê esperience Ferigo tal ‘99 cuant che al jere jessût “In forma di peraulas… Cjançonetas 1971/1988” che al meteve adun buine part de produzion dal Povolâr Ensamble. Tra lis sôs tantis ativitâts, Giorgio Ferigo, che di mistîr al jere miedi, al à voltât par furlan la “Historie du soldat” (Chê dal soldât) di Ramuz e Stravinskij, diviersis poesiis di Brassens, al à scrit e curât saçs dedicâts massime ae storie e aes tradizions de Cjargne. Ferigo al è stât un dai massims rapresentants culturâi de Cjargne e si à impegnât in diviersis bataiis tant che chê cuintri de privatizazion de gjestion des aghis.
articolo tratto da friul.it
novembre 7th, 2007 at 1:48 pm
Si possono ascoltare alcuni brani del Povolâr Ensamble
sul sito cjargne.it:
http://www.cjargne.it/ensemble.htm