… Di Zenâr 2008 a tachin i CORS PRATICS DI LENGHE FURLANE, in cetancj comuns de Regjon. Si fondin soredut sul studi de gramatiche e de grafie de lenghe furlane. Chescj cors a nassin cun chê di stiçâ la int a lei e scrivi par furlan, e di aprofondî i aspiets storics e culturâi, leteraris e des tradizions popolârs; cul stes fin, in armonie cui cors, la SFF e inmanee lis lezions viertis, ven a stâi conferencis viertis a ducj, e gjitis in chei puescj de nestre regjon che a à n un particolâr interès storic e artistic.
Lis lezions a son viertis a di ducj, cence nissun limit ni di etât ni di titul di studi, tant plui che nol covente che i frecuentants a savedin za il furlan.
I argoments parferîts a son: leture dai autôrs plui rapresentatîfs de leterature furlane, elements di storie dal Friûl cun riferiments ae storie taliane e europeane, gjeografie regjonâl, gramatiche, sintassi, grafie de lenghe, esercitazions pratichis di leture e scriture, elements di storie de art e des tradizions popolârs.
Par viodi la liste dai comuns dulà che si davuelzaran i cors, cu la indicazion dal calendari des lezions visite il sit de Societât Filologjiche Furlane
M A N D I ! 😎
Commenti
Una risposta a “CORS DI LENGHE FURLANE”
>>>
Ve culì la liste dai comuns dulà che si davuelzaran i cors, cu la indicazion dal calendari des lezions (se dispunibil):
* Cjassà : di definî
* Cjastelgnûf: al tache cun vinars ai 25 di Zenâr aes 17, sale dal consei loc. Palugjee
* Cjavaç/Verzegnis: il cors (dutun cun chel di Tumieç) si vierç vinars 1 di Fevrâr aes 18.00 li de sede de SFF a Tumieç, cu la presentazion dal “Strolic furlan”
* Çarvignan: di definî
* Cividât: di definî
* Cuar di Rosacis/San Zuan dal Nadison: di definî
* Gurize: di definî, nestre sede di vie Bellini 3
* Lucinîs: di definî, intal Centri Civic
* Manià : al tache cun sabide ai 19 di Zenâr, aes 15-17, inte aule de ex biblioteche
* Merêt di Tombe: al tache cun martars ai 5 di Fevrâr, aes 20-22, inte sale de Zonte
* Muimans: di definî
* Morâr: di definî
* Pasian di Pordenon: al tache cun vinars 1 di Fevrâr, aes 18.30-20.30, inte biblioteche
* Pavie: la serade di presentazion, cun Carlo Tolazzi, e je vinars ai 25 di Zenâr aes 20.30 inte Sale riunions dal Municipi di Lauçac. Il cors al larà indenant cun martars ai 12 di Fevrâr aes 20.30, in Municipi
* Puntebe: di definî
* Pordenon: al tache cun martars ai 29 di Zenâr, aes 18.30-20.30, inte nestre sede di vie Garibaldi 75/1
* Puçui: al tache joibe ai 31 di Zenâr, aes 17.30-19.30, inte sale de biblioteche
* Ruvigne: al tache cun joibe ai 10 di Zenâr, aes 17-19, inte biblioteche
* San Zorç di Noiâr: al tache cun lunis ai 21 di Zenâr, aes 20.30, inte sale conferencis Villa Dora (presentazion dal cors, consegne atestâts dal 2007, presentazion dal dvd “Omenuts 3”)
* San Vît dal Tiliment: za scomençât, ogni sabide, aes 15-17, inte sale Europa
* Spilimberc: di definî
* Tumieç: il cors (dutun cun chel di Cjavaç/Verzegnis) si vierç vinars 1 di Fevrâr aes 18.00 li de sede de SFF a Tumieç, cu la presentazion dal “Strolic furlan”
* Udin: al tache cun lunis ai 4 di Fevrâr, aes 17-19, al prin plan de nestre sede di vie Manin 18
Pes informazions e par notâsi si puedin clamâ i Uficis dai Comuns interessâts, l’Ufici Formazion de Societât Filologjiche Furlane (rif. Elena De Sanctis, tel. 0432 501598, int. 3 – formazione@filologicafriulana.it ), la sede di Gurize (tel. 0481 533849) e chê di Pordenon (tel. 0434 522323).
>>>