… il leam cun lis nestris lidrîs
Il 3 di Avrîl dal 1077 e je une date fondamentâl pe storie dal Friûl. In cheste date al nassè di fat il Stât patriarcjâl furlan, ven a stai la Patrie dal Friûl, une istituzion vuidade dal Patriarcje di Aquilee che al tignarà adun fintremai il XVIII secul il Friûl e tancj altris teritoris dongje di chel. Sabide ai 23 di Març 2013 si screin lis manifestazions par celebrâ la Fieste de Patrie dal Friûl inmaneadis de Provincie di Udin dutun cun i Comuns di Dolegne e San Zorç di Noiâr, ma il cûr des iniziativis si varà chest an tal comun gurizan di Dolegne. Domenie ai 7 di Avrîl 2013, aes 11, e vignarà celebrade la Sante messe par furlan e, aes 11.45, e vignarà lete la bole imperiâl di Enrico IV; aes 12 il program al proviôt il salût des autoritâts e la premiazion de seconde edizion dal concors pes scuelis “Emozions furlanis in viaç pal teritori”. Tal dopo di misdì visitis vuidadis tai itineraris storics, turistics dal teritori di Dolegne.
Lungje vite al Friûl libar, simpri !
Commenti
3 risposte a “Fieste de Patrie dal Friûl”
Te letare indreçade ai dirigjents scolastics che e compagne il materiâl informatîf al è ancje l’invît a sensibilizâ i docents par la organizazion di lezions specifichis e di aprofondiments storics sul significât dal aniversari.
A chest si zonte l’invît dal president de Provincie a dutis lis aministrazions comunâls, ven a stâi di esponi la acuile dal Friûl. Palaç Belgrado al met a disposizion bandieris fin a esaurimentdes scortis a chei Comuns che a no la vessin ancjemò (0432 279730).
Sintiti acuile, sintiti furlan, fevele furlan !
O sin talians, ma o sin stâts celtics, romans, langobarts, slâfs, todescs, venezians,… e par tancj secui, a tacâ dai 03 Avrîl 1077, ancje e nome FURLANS. Ricuardìn le nestre storie fasint fieste il 3 di Avrîl… mandi a ducj i furlans, massime a chei sparniçâts pal mont…
usgnot un incuintri une vore biel a Dolegne là de Tratorie al Collio da Vinicio, in Vie Zorutti, 21, aes 20.00 si podaran scoltà “Lis contis di Dolegne e Prepot …” tiradis fûr
de golaine “Mîts, Flabis e Liendis dal Friûl storicâ€, ideade e
promovude dal Istitût “Achille Tellini†di Manzan – Editôr
Chiandetti di Reane dal Roiâl.
Ilustrazion des publicazions par cure di Luigi Geromet in colaborazion cu la Associazion de “I Viandants” di Basilian e l’Istitût pe culture slovene di San Pieri dai Sclavons.
Vol. III “Tiaris di Cividât e de Badie di Rosacisâ€: curadôrs Massimiliano De Pelca e
Maurizio Puntin
Vol. IX “Friûl gurizian-Bisiacaria-Goriška†par cure di Adriana Miceu
Vol. XII “Od Idrije do Nediže / Dal Judrio al Natisone†par cure di Ada Tomasetig
mandi Andrian !