11^ Mezza Maratona Città di Palmanova

Palme

Profitant di une zornade bielissime cun il soreli e cence aiarin, cuasi un miracul tante aiar e jere stade intai dîs passâts, o vin podût cori la 11^ Mieze Maratone di Palme tant che la buere. Prime a jerin lâts vie i ciclons e daspò tor lis 09H49′ o sin partîts nô cun i patins a rodelis. Chei plui fuarts, alì de piçule rive sù fûr de puarte Cividât, nus vevin za passât ducj e no ur vin plui viodûts ma subite dopo o jerin nô cun un biel trenin. Pe strade cuant o vin cjatât Silvie Furlan nus à cjapât une grande emozion, tant che nus à vignût spontani di saludâle, viodintle cori cuintri de sô malatie e cun dut a chel rivant a fâ il percors, compagnade da un altri coridôr, in 5H. Un biel esempli di cemût l’amôr pe vite e pe libertât a vegnin prime di dut. Dilunc lis stradis a jerin cetancj puescj indulà fermâsi a bevi aghe o te cjalt o ancje cjapâ sù spics di limon o naranç, o vin ancje cjatât tante int che nus sburtave berlant “dai, dai!”, “bravi, bravi !”. Cuant che o sin rivâts in place Grande a Palme e jerin lis 10H52′, rivant a finîle cuntune medie orarie di 20 km/h, ma par chest o vin di ringraciâ soredut zio Cuneo che, miôr di un locomotôr, al à tirât dute la corse. Graciis barbe !
Po dopo, cjatantsi ducj intune in place Grande, o vin podût gjoldi dal soreli sentâts a bevi e a contâsi alc.
Mandi a ducj !

Look at… the movie: 11^ Mezza Maratona della Città di Palmanova (UD) 2013

11^ Mezza Maratona della Città di Palmanova (UD) 2013

😎

Pai Trois Di Une Volte

… @ Cjampeis (UD)

Un cîl grîson… une ploie lizere che no molave… ma aes vot e mieze i runners a àn tacât a partî un ad un o a trops tant che la partence e jere pussibil fin ae dîs. Cualchidun vint fat dut il zîr di 7 km dentri lis dîs, no content, al à tacât a fâ un altri zîr. Biel che la corse di 17 km e jere stade scancelade par resons di sigurece.
Cussì vuê a Cjampeis di Faedis (UD) o vin slontanât l’Invier corint in 154 personis “pai trois di une volte”, e rivant a tocjâ i borcs di Roscjà, di Cjanâl Alt e di Colorêt. Une siore nus à dite che il brut timp al jere par vie che o vin preât masse pôc, alore par che e sedi biel timp l’an che e ven tachin ducj intune a preâ fin di cumò.
Mandi a ducj e a riviodisi a Palme fra cuindis dîs 😉

Look at… the photos: Pai Trois di Une Volte

Pai trois di une volte a Cjampeis

😎