… lis cretis di Duino
Inte crete di Duino dongje dal cjistiel si cjatave denant dal bielvedê un piçul arbul cetant sflandorôs che in istât al jere un plasê viodilu dut sforît ma… cumò cualchidun al à pensât ben di taiâlu par gjoldi dal bielvedê come se un piçul arbul e des fastidi. Dome cualchidun cence cûr e rispiet pe nature al pues vê fate une robe dal gjenar.
Ma lis cretis di Duino a no son une risierve naturâl protete ❓
Look at… the photo: you can see the tree at photo n. 55
… crete lis Bedois @ Premariâs
E je chenti la Maestât sô il Nadison in dute la sô sflandorose bielece… cun cetante aghe che côr… che mude… che svolete… che cjante… une cjançon plene di sintiment… e il gno cûr si jemple di gj…onde…
Look at… the movie: E je chenti la Maestât sô il Nadison
…O deš boulder ligi
Sabide, 25 Zenâr 2014 des 14.30 aes 19.00, lì de palestre di rimpinade dongje Nova Gorica a Šempeter pri Gorici, in vie ULICA ANDREJA GABRŠČKA 1, al sarà la gare, vierte a ducj, BOULDER LEAGUE inmaneade dal grup di climbers che si cjate inte direzion des.si.
Buine rimpinade a ducj !
😎
… @ Cividât
Passant parsore dal puint gnûf a Cividât e cjalant bande dal Puint dal Diaul si viôt ben che la rive çampe dal flum e je une vore ruvinade tant che aromai a son des piçulis gjavis sgarfadis de aghe.
Se a spietin ancjemò un pôc par fâ alc si côr il risi che il puint gnûf al ledi jù.
…Mirok the scarecrow and Gina the lark
Une gnove striche di Mirok il pipinat e Gine la lodule…
– Mandi Mirok !
– Mandi Gine, sêstu lade a viodi il pignarûl ?
– Po sì, o soi lade sù a Cuie di Tarcint.
– E il fum di ce bande ise lât ?
– A soreli a mont.
– Alore, cjape il sac e va pal mont.
– Eh za, nuie di bon ancje par chest 2014, magari cussì no.
– Aromai al è dome saccopanni a crodi che si larà in miôr.
😎
…WELCOME 2014 !
I WISH ALL CLIMBERS, SKATERS AND KAYAKERS ALL OVER THE WORLD A HAPPY NEW YEAR !
An gnûf vite gnove, no stait mai a contentâsi di un cûr di seconde man, inalore ad alt i cûrs !
O tacarai chest an 2014 cuntun proponiment e cuntune riflession.
Il proponiment al è chel di judâ chei che a fasin fadure a lâ indenant inte vite e di combati la tindince, dal dì di vuê, di meti dongje masse ricjece intes mans di pocje int, tant che si ledi viers dai mûts di convivence indulà la int e rive a cjatâ lavôr e a mantignî la famee.
O pues dîsi, par esperience, che cumò e je int abenade che si profite de crisi par cirî di paiâ pôc i lavoradôrs, une robe tant plui triste par vie che si trate di lavoradôrs che a àn un lavôr a scjadince e che a àn a disposizion dai imprescj par fasi justizie une vore costôs e lents.
Biadelore che la int triste e finìs di rompi i cits !
La riflession impen e vên de savietât dal Orient lontan:
“La ativitât dai umign e va indenant cence padin; co e rive ae fin e torne di gnûf a scomençâ. Duncje e pues lâ indenant in perpetui. Cuant une ruede e à un as indulà zirâ, e pues lâ lontan. La ativitât de Nature e je une, cence disviaments; par la cuâl no fale.
Co la energjie dal cîl e ven jù e la energjie de tiare e va sù, yin e yang a comunichin, e compagn a fasin ducj i vivents.
Co i umign savis e stan intai puescj publics ad alt, i puars umign intal spirt a van vie; cheste e je la Vie dal cîl e de tiare.”
😎
Questo sito gestisce tutti i dati trattati nel rispetto del Regolamento europeo noto come GDPR che riguarda il trattamento e la libera circolazione dei dati personali, inoltre utilizza i dati al solo fine di fornire i servizi richiesti. I cookie ci aiutano a fornire i nostri servizi. Utilizzando tali servizi, accetti l'utilizzo dei cookie da parte nostra. Nessun dato trattato è fornito a terze parti.
Privacy Policy OK !