Il riviel dal 1511 in Friûl

la crudêl zobja grassa

il riviel dal 1511 Tal 1511 la Joibe Grasse e colave juste ai 27 di Fevrâr e, ta chê zornade, si invià il riviel plui grues de storie dal Friûl.
Stiçats de false gnove, butade fûr di Toni Savorgnan, che i filoimperiâi a jerin rivâts a Pradaman, cetancj contadins plens di marum a tacarin un riviel cuintri dai nobii udinês. La prime cjase a colâ e fo propit chê dai Della Torre (i Troians), che a stavin de bande dai nobii e dai borghês.
In bandis di vuerilie, i contadins a cjaparin, a meterin a sac e a brusarin cjistiei e palaçs ator par dute la Patrie tant che chei di Vilalte, Murùs, Çopule, Voleson, Spilimberc, Colorêt, Susans, Madrîs, S.Denêl, Feagne, Tarcint e v.i. A bonâ il dut a rivarin il taramot dai 26 di Març che al sdrumà il cjistiel di Udin e la gjandusse che a faserin miârs di muarts.
Il riviel al fo inneât tal sanc, ma lis comunitâts furlanis a cjaparin cussience de lôr fuarce. Une fuarce che ur permetè di tratâ la lôr poie militâr a Vignesie daûr dal rispiet dai lôr dirits e che, cualchi an plui tart, e fasè nassi la Contadinance, orghin rapresentatîf des comunitâts rurâls cence avuâi in Europe. Inalore, par nô furlans, chê dai 27 di Fevrâr, e je la date miôr par celebrâ la Zornade Furlane dai Dirits.
A cheste zornade, che chest an e cole propit di joibe cetant che 503 agns indaûr, radio Onde Furlane e dedearà lis trasmissions dal 27 Fevrâr 2014 par ricjatâ cussience e braure di cui che o sin, par no dismenteâ che i furlans a àn savût lotâ pai lôr dirits.

Fuarce Friûl, simpri !

Casa della Contadinanza a Udine

😎

Tutele e valorizazion dal paisaç e dal colôr de culture furlane

… @ Universitât dal Friûl (UD)

A Udin inte sale dal Tiepolo, palaç Caiselli, intal androne Florio, 2, miercus 26 di Fevrâr 2014 aes 15.00 e sarà la cunvigne:
Tutele e valorizazion dal paisaç e dal colôr de culture furlane.
La cunvigne e je inmaneade dal Cirf cun la poie dal Club Unesco di Udin.

Plui informazions: Tutele e valorizazion dal paisaç e dal colôr de culture furlane

Convegno: Tutela e valorizzazione del paesaggio e del colore  della cultura friulana

:mrgreen:

Montagnis: dopradis o vivudis?

intal cuartîr Sant Paoli a Udin

Usgnot, vinârs 21 Fevrâr 2014 aes 21.00, inte suaze de XXX Rassegne dal cine di Montagne intal Auditorium Menossi, in vie S.Pieri 60, a Udin al sarà l’incuintri cun il pari de rimpinade sportive e autôr dal mitic libri “Cento nuovi mattini” Alessandro Gogna.
L’incuinti e varà come teme: “Montagne: dopradis o vivudis?”.

XXX Rassegna del cinema di montagna a Udine

😎

Il Teatri dai Piçui di Vittorio Podrecca

… @ Cividât

Vittorio Podrecca al jere nassût a Cividât intal 1883 e daspò al jere lât a Rome indulà, intal 1914, al cree il “Teatri dai Piçui“. Cumò la Citât di Cividât e vûl fâi onôr dedeantli une mostre dal titul “Maria Signorelli & Vittorio Podrecca: un incontro”, metint cussì adun dôs figuris cetant impuartantis par il teatri di animazion dal prin ‘900. Inte suaze de mostre, che e larà indenant fintremai ai 16 di Març 2014, si puedin viodi lis marionetis di Podrecca ma ancje chês de colezion di Maria Signorelli che a vegnin di diviersis bandis d’Italie – Napoli, Bologna, Venezia, Genova – e di Europe.
La colezion Signorelli e je stade dade, in comodât di ûs, al comun di Cividât che intune cun il Ministeri dai Bens e Ativitâts Culturai e dal Turisim e realizarà il “Centri Podrecca – Museu des maraveis di Maria Signorelli”. Un unicum, intal sô gjenâr, in dute Europe.

Look at… the movie: Teatro dei Piccoli di Vittorio Podrecca @ Cividale del Friuli (UD)

Teatro dei Piccoli di Vittorio Podrecca e le marionette di Maria Signorelli a Cividale del Friuli

😎

Mirok a Saint Moritz

Mirok the scarecrow and Gina the lark

Une gnove striche di Mirok il pipinat e Gine la lodule…

mirok comix

– Tu às sintût che si cjatavin inte vile in Svuizare ?
– Sì, o ai sintût, si viôt che ur plâs la mont benedete

– Cumò la int si domande se alore al è stât dut un complot
– Eh za, e somee che al sedi stât fat dut a taulin

– e sarà il tormenton de istât che e ven
– cuâl isal ?

– …jeristu ancje tu a Saint Moritz ?

– ahahahahah !!!

😎