… Tarcint (UD)
In graciis dal lavôr fat di doi zovins climber, Luciano Regattin e Giuliano Moscatelli, e je nassude la crete da la Mont Stele dongje Tarcint (UD). Cjaminant dilunc il troi, che al tache propit li dal numâr 5b a Malamaserie, si rive ae biele parêt Sud de crete indulà si cjatin cetantis viis ben furnidis cun spit inox. Ma la crete e va sù inte direzion Est, e ancje culì a si cjatin des bielis viis che a misdì a son za in ombrene. In dut a son une ventine di viis e cualchidune e spiete ancjemò di jessi liberade. Par la cuâl se o vês voie di insiorâ il vuestri zei di onsight chest al è il puest just par fâlu. La crete al è un calcâr une vore biel e e je la pusibilitât di meti adun altris viis. Co o lait a viodile visaitsi di puartâ alc par netâ vie il polvar, e di tignî simpri il casc sul cjâf parcè che al pues jessi che cualchi piçul clap e ven jù. Un ringraciament a Luciano e Giuliano par il biel lavôr fat, o vin viodût cetante elare o vês gjavât, e… buine rimpinade a ducj ! 😉
Look at… the photos: Falesia del Monte Stella
😎
Commenti
Una risposta a “La crete da la mont Stele”
-> cemût rivâ inte crete:
A Tarcint si cjol la vie par Uccea e co o sês a Cesariis daspò il grant volt prime de glesie si zire a çampe rivant a Zomeais. Lant daûr des indicazions par la Mont Stele si rive a Malamaserie, culì si cjate il troi, cun segnevie Cai, che al tache propit li dal numâr 5b. Une biele cumbinazion par dai climber.
Il troi e va di ribe in jù e al passe ae çampe dal sierai indulà si cjatin lis cjavris. Lant indenat fin a passâ il riu, si va sù passant doi piçui volts e daspò si cjape il troi a diestre che e puarte cence pusibilitât di fal ae biele crete.
Visaitsi che Malamaserie al è un piçul paîs par la cuâl bisugnarès cirî di no lâ sù cun tantis machinis e… mi racomandi sierait il puarton se di no lis gjalins a scjampin fûr 🙂