Int cun tantis ideis

int furlane

Parcè, nô furlans, o savin cussì pôc de nestre biele storie?
Salacor par vie che intes scuelis la culture furlane e je considerade une culture di secont ordin, par la cuâl si dâ spazi dome ae culture taliane tant che o savìn avonde pôc de nestre storie, des nestris lidrîs. E cetantis robis che nus disin dal Friûl a son bausiis. Nus contin, par esempli, che Aquilee e sedi stade fondade dai romans, ma no je vere. Di fat i Celts a son rivâts culì passant lis monts, a àn abitat inte nestre plane e a àn fondade – cui che lu ricuarde al è il storic grêc Teopomp – dongje un flum, che lôr a clamavin Achìlis, la citât di Aquilee. I romans le àn fortificade li che, za 500 agns prin di Crist, al rivave il cumierç di une robe che e vignive doprade par fâ corais di femine, che si clamave Ambre e che rivant dal mâr Baltic daspò si imbarcjave par lâ in Grecie dal puart celtic di Achìlis. A dînus de presenze dai Celts inte nestre tiere a son ancjemò i nons cjargnei: Carnia, Carintie, Carniole, Cragn e Carso.
Une storie cetant impuartantone che bisugnarès studiâ a scuele ma che invezit no si studie.
Cumò al è stât butât fûr un libri dal titul “Friulani delle idee. Dieci dialoghi con il Mondo” indulà si sgarfe inte storie dai furlans che a àn mudât il mont cun lis lôr ideis gnovis, jemplant cussì un vueit e fasint cognossî a ducj cuâl isal stât il jutori che o vin dât al mont intîr. Mi soi, però, maraveât di une robe, che intal libri no si fevele di Antonio Mattioni considerât il pionîr dal svol a reazion. Pecjât par cheste piçule mancjance, no tant par vie che si trate di un cividalês ma parcè che e à dât un jutori une vore impuartant pe disvilup dal svol cun i avions.
In ogni câs al è stât fat un pas indenant discuvierzint un biel cantin de nestre culture e nus augurin che chestis robis si studiin ancje a scuele parcè che al è just che i zovins a savedin che a son i fîs di int cetant bule.

Look at… the video: Antonio Mattioni >>

Look at… the photos: Antonio Mattioni >>

Antonio Mattioni - le foto della mostra a Cividale del Friuli

😎

Pubblicato da

Un pensiero su “Int cun tantis ideis”

I commenti sono chiusi.