… il leam cun lis nestris lidrîs
Il 3 di Avrîl dal 1077, co il patriarcje di Aquilee Sigjeart di Tengling al ricêf a Pavie la investidure feudâl bande di Indrì IV, al nas il Stât Patriarcjâl furlan, ven a stai la Patrie dal Friûl, une istituzion che e larà indenant fintremai il XVIII secul. Il stât feudâl, une vore plui grant dal Friûl di vuê, tal imprin al jere vuidât dai patriarcjis di divignince todescje e a darà cetant lustri ae nestre tiere tant di fâle deventâ un pont di riferiment economic, politic e culturâl a nivel european. Il pês che e veve la Patrie i à permetût ai patriarcjis di no interessâsi di papis e rês. Di fat Ricart Cûr di Leon chenti al è stât fat presonîr di Gofrêt, tant che al cirive di tornâ viers cjase, di li si dîs che e sedi nassude le conte di Robin Hood.
Si che duncje, cul fat che il patriarcje Sigjeart tal 1077 nol jere plui dome vescul ma ancje cont, e scomence la storie dal Stât indipendent furlan de Ete di Mieç.
Dal 1077 indenant, il Friûl al è un Stât tant indipendent che al à parfin un parlament. Nô o vin i documents di une riunion dal parlament furlan vincj agns prin di chel che i storics talians e inglês a disin che al è il parlament inglês. Dal 1200 nô o vevin za il parlament, ma il nestri nol jere come chel inglês. Chel al veve une sole funzion: che il re nol podeve imponi une tasse e tirâle, cence che i siôrs si metessin dacuardi su cui che al veve di paiale. Nuie altri!
Culì no; culì, intant, il patriarcje al è dome il president e al è obleât a ubidî a ce che il parlament al decît. Seconde robe: tal nestri parlament no son dentri dome siôrs, ma a son ancje lis libaris comunitâts, i comuns, come Udin, Glemone e Cividât. Tierce robe: nissun al po tignî un esercit cence il permès dal parlament.
Il parlament furlan tacât in che epoche li e larâ indenant fintremai tal 1420.
Cumò, daspò 937 agns, in Friûl si fâs fieste par ricuardâ lis nestris lidris…
Fuarce Friûl, simpri !
😎
Commenti
5 risposte a “Fieste de Patrie dal Friûl”
…un biel apontament di no pierdi dongje Cividât a Faedis inte aule magne des scuelis dulà che vuê aes 20.30 l’A.P.S. Pro Loco Faedis e il Comun di Faedis a organizin une serade culturâl cun la proiezion di doi films par furlan:
1. “Une frute cui cjavei luncs e neris” dal regjist Mario
Passero gjavât fûr de conte di Maria Fanin
2. “Striaments” dal regjist Gianluca Fioritto, dedicât ai mîts e aes leiendis furlanis e ambientât inte Ete di Mieç…
Vuê in Sala Ajace in Place Libertât a Udin, ae 21.00, al sarà il “Conciert pe Patrie dal Friûl”, pe cure de “Clape di Culture Patrie dal Friûl”, dal côr Vôs di Vilegnove di Vilegnove di S. Denêl cun lis cjantis popolârs e vilotis di autôr cun leturis di tescj di pre Antoni Beline, pre Checo Placerean e pre Roman Michelot…
cetantis robis che a son nassudis in Friûl, la storie di Romeo e Giuliete, che di Robin Hood, il parlament democratic, inalore i inglês a varessin almancul di paiânus i dirits 🙂
pe fieste dal Friûl, domenie ai 13 di Avrîl 2014, a Tor di Zuin, la seconde mostre marcjât de editorie multimediâl dal Friûl organizade dal Comun li dal Cid e a Ruvigne la rievocazion in costum de “Zornade dal Patriarcje” in Cjistiel, organizade dal Scriptorium Foroiuliense….
o soi stât a viodi “Striaments†dal regjist Gianluca Fioritto cun lis musichis di L. Tempesti e o soi restât maraveât pe bielece dal film e des contis… lait a viodilu se o vês la pussibilitât…