…di condomini
Cumò us conti la mê esperience par vie che o crôt che e sedi ancje chê di tante altre int che si cjate a vê a ce fâ cun la aministrazion di un condomini.
O tacarai fevelant dai adempiments fiscâi, che cun la gnove riforme dal condomini, a saressin cjapâts dentri intes atribuzions dal aministradôr. Di fat l’articul 1130 dal Cod. Civ. al dîs che all’aministradôr di condomini i spiete ancje di:
5) eseguire gli adempimenti fiscali
mi somee a vonde clâr, e no dovaressin jessi pussibilitâts di no intendi ben la robe ma… chei ce che ti van a pensâ par sghindâ chest dovê… pense che ti ripense a à n cjatade cheste biele soluzion, ti mandin a cjase, prime de assemblee ordenarie, un sfuei clamât, di lôr preventîf, ma che in realtât al è un tarifari, e indulà che si cjatin i coscj par lis prestazions aministrativis ordenariis e chei pes prestazions straordenariis che no saressin cjapâts dentri intal compens dal aministradôr… e provait a induvinâ indulà si cjatin i adempiments fiscâi ? naturalmentri intes prestazions straordenariis e in chest mût cuant in assemblee si decît di rinomenâ l’aministradôr, secont lôr, si acetarès ancje il tarifari… par la cuâl al compens si zontin ancje chei coscj… cussì il cost dal aministradôr par unitât imobiliâr al passe da 85 a plui di 100 euros… po dopo a fasin une magje par vie che intal bilanç preventîf chei coscj no si cjatin ma a saltin fûr intal bilanç consuntîf…
ma nus è ancje capitade une altre robe, di fat tal 2013 cuant la semblee e veve cjapât la decision di aumentâ i massimâi de assicurazion l’aministradôr ce aial fat ? Al à pensât ben di assicurâ ancje i dams pe aghe cuant intal nestri regolament di condomini si dîs claramentri che a son di assicurâ dome la responsabilitât civîl e chê par il fûc stant che al è un implant di riscjaldament autonomi e ognidun al fâs la so assicurazion par la aghe. Alore cumò si cjatin cuntun premi che al è passât da 500 a cuasi 1300 euros, cun dai condomins che a à n dôs assicurazions. O ai provât l’an passât a fâmi sentì inte semblee e inalore o vin votât e dome 1/3 dai condominis a jerin dacuardi. Magari cussì no, intal Cod. Civ no si dîs nuie de maiorance par aprovâ une assicurazion ma a son dôs sentencis de Cort di Cassazion che a disin che e covente la maiorance dal 50% ….
ancje in chest câs a profitin de bibie de int… par fâ ce che a vuelin… in plui a à n spietât par firmâ il verbâl 12 dîs e se jo no fos lât a domandâ se al jere stât firmât a varessin lassat passâ il timp par impugnâlu, ven a stai 30 dîs…
…ma nol è dut… ancjemò se tu vuelis jentrâ inte aree dal sît par viodi de documentazion online tu à s di firmâ une “Dichiarazione autorizzativa e liberatoria” indulâ si dîs:
“Il/la sottoscritto/a… chiede che tutta la corrispondenza relativa al condominio stesso, ivi compresa quella per la quale è fatto obbligo dell’invio a mezzo posta raccomandata, e con l’esclusione di eventuali solleciti di pagamento e corrispondenza a carattere legale, sia recapitata al seguente indirizzo e-mail: …
– l’indirizzo di cui sopra è di proprietà dello/della scrivente e/o riconducibile allo/alla sottoscritto/a. In caso di eventuali disguidi legati all’utilizzo dell’e-mail , l’email si riterrà comunque recapitata.
– Per quanto precede esonero l’amministratore da ogni responsabilità , ivi comprese quelle legate alla legge sulla privacy.”…
di fat une biele opare mestre di ilegalitât par vie che si domande di fâ di mancul di doi dirits di fonde ducj e doi previodûts de leç. Un al è chel de certece de comunicazion e l’altri antant impuartanton al è chel de privacy par la cuâl si à il dirit di dâ o no dâ il permès al tratament dai datos par fins comerciâi… e cuant i ai dite che al je une leç su la privacy mi à n rispuindût che se o vueli o pues fâ di mancul di firmâ la dichiarazion…
ce pensâiso po di cheste situazion ?