Falesia Rose d’inverno

🌹 🌹 🌹 🌹 🌹Via ferrata “Rose d’Inverno” and “The Nose”👃 . . . 💙

Profitant di cheste biele zornade cjalde de Istât di Sant Martin o soi lât in Val Rosandra lì de crete “Rose d’inverno”. . . rivant o ai cjatât une biele e lizere fumate che e taponave lis robis lontanis, ma par fortune il cret al jere sut. . . cussì o ai tacât la ferade “Rose d’inverno” lant sù pe scjale a straplomp. . . chest toc al domande un tic di fuarce intai braçs e un pocje di tecniche ma nol è tant dificil. . . in dut a son 7 tocs di fâ e dinissun al è masse impegnatîf e a son des bielis teracis indulà tirâ flât. . . rivât in cime mi soi fermât dongje dai pins par dâ une bocjade ma no ai podût gjoldi dal panorame e chest al à fat scaturì la mê vene poetiche. . .

Nebbia lontana,
Sento le cose
tutte a me vicine

tornât jù o ai fat ancje il piçul anel, ven a stai il toc n. 8, tornant jù al cjamp di base pe scjale a straplomp. . . pôc dopo o ai tacât la via ferrata “The Nose” lant sù pal toc n. 1 stant che cheste ferade si pues ancje tacâ partint dal toc n. 8 ch’al è plui facil. . . po ben o siguri che il non al è ben mertât par vie che a son dai tocs impegnatîfs che a domandin buine tecniche e ancje fuarce. . . rivât fûr dal toc n. 4 si pues fâ il toc n. 5 che nus puarte di gnûf di sot o pûr lâ fin parsore lant sù pe ferade Rose d’inverno che e passe lì dongje. . . jo o ai sielzût cheste ultime soluzion. . . rivât, di gnûf, in cime o ai cjatât une biele fumade e il soreli no si viodeve plui. . . il cîl al â tacât a vierzisi dome cuant che o soi rivât di sot. . . in sumis un bon alenament e un biel zirut . . . mandi e ae prossime. . . 🙋

📈 D+ cjaminade: ~201 m
🔄 Cjaminade: 5 km
🕚 Timp par fâ la ferade Rose d’inverno: ~1/2h + anel 10′
🕚 Timp par fâ la ferade Il Naso: ~1/2h
🧗 Nivel di dificoltât de ferade
1 – Rose d’inverno: max C/D
2 – Il Naso: max D
lis feradis a a son par EEAA – Escursionisti Esperti Attrezzati e Allenati ad Arrampicare ( 6a obbl )

Ferrata Rose di inverno, 15 di Novembar 2023, cjale il filmut 🎥 . . . →

Falesia Rose d'inverno
La falesia Rose d’inverno dove si trovano alcune facili vie d’arrampicata e dove partono le ferrate Rose d’inverno e Il Naso
La partenza della ferrata Rose d’inverno . . .
ferrata Rose d'inverno
. . . ferrata Rose d’inverno . . .

Buinis cjaminadis a ducj !!!

#peaceandlove 💙

☮ − ☯ − ☵ − ☸ − 🌍

Ferrata Bruno Biondi

dilunc dal troi “Rose d’Inverno” – 049a . . . 🌹🌹🌹🌹🌹 . . .

Ferrata Bruno Biondi
Ferrata Bruno Biondi: mappa delle difficoltà . . .

La ferade Biondi si cjate in Val Rosandra dongje dal paîs di San Lorenzo. . . jo dut câs o ai fate une biele cjaminade dilunc, prime, la ciclopedonâl Cottur e po dopo o ai cjapât il biel troi #Rose d’inverno” ven a stai il 049a che mi à puartât fin lì dal atac de ferade Biondi passant pe falesie Rose d’inverno. . . la ferade e je fate di 12 tocs plui un toc il n. 10 che al è un cjanton a straplomp sù la valade, ma no stait a fâsi impressionâ che nol è nuie di dificil. . . pluitost bisugne fâ un tic di atenzion intai tocs in verticâl sedi chei di lâ in sù sedi chei di lâ in jù par vie che e covente doprâ ben i pîts e ancje vê un pocje di fuarce intai braçs. . . ma la robe plui biele e je la bancjute che si cjate lì dal toc n. 7, a mieze strade, e indulà mi soi fermât par dâ une bocjade tant che o cjalavi il biel panorame sul puart e il mâr slusint . . . al è ben fâ une polse achì ancje par vie che lant indenant la ferade e devente impegnative e di sigûr e domande une buine preparazion fisiche e tecniche. . . ad ogni mût, a son cetancj puescj indulà cjapâ flât e in cime al toc n. 7 si pues saltâ fûr de ferade e cjapâ il troi n. 1 o il 49a par tornâ indaûr. . . e je cheste pussibilitât ancje lì dal toc n. 9 e prin di tacâ il n. 10. . . ma rivâ fin insom e je une biele sodisfazion. . . in sumis une ferade che e merete. . .🌹🙋🌹

📈 D+ cjaminade: ~201 m
🔄 Cjaminade: 5 km
🕚 Timp par fâ dute la ferade con polse lì de bancjute: ~2h
🧗 Nivel di dificoltât de ferade Biondi: EEAA – Escursionisti Esperti Attrezzati e Allenati ad Arrampicare ( 6a obbl )

Buinis cjaminadis a ducj !!!

Panchina
La biele bancjute lì de trate n. 7 . . .

#peaceandlove 💙

☮ − ☯ − ☵ − ☸ − 🌍