… il killer cidin
L’amiant al è stât un materiâl une vore doprât intes costruzions fintremai il 1992 cuant une leç e ‘nd improibive la produzion e la lavorazion ma no la vendite. La sô pericolositât par la salût e jere cognossude fin dal ’30 cuant in Gjermanie a forin fats dai studis indulà si pandeve che al jere un tuessin. Ma cun dut che si saveve che al jere pericolôs si è lât indenant a doprâlu in dut il paîs fin ai agns ’90. E cumò in plui dal problema de malatie che e à colpît ducj chei che a ‘nd son stâts esponûts, si zonte ancje il probleme di cemût smaltîlu.
Di fat a son ancjemò cetancj i lûcs, plui o mancul grancj, che bisugnarès bonificâ. Nô, intal nestri piçul, o podìn dâ un jutori pandint la sô presence, in particolâr in chei câs che a puedin deventâ un pericûl par la int o par il teritori.
Lis fotos, che si cjatin intai coments, a mostrin la situazion indulà al è stât cjatât chest materiâl cetant nereôs, tacant da Punta Sdobba a Fossalon di Grau – GO, indulà si cjate un piçul borc propit inte Riserve Natural de Fôs dal Lusinç, un puest visitât dispès dilunc vie il fin di setemane de int che e à a cjâr la nature.
Se us capite di cjatâ amiant/eternit bandonât intai cjamps o di intivâsi in fabricâts che lu doprin e a son mâl tignûts, viodêt di pandilu cun cualchi foto, visantsi di dî indulâ si cjate il lûc.
Look at… the photos: Amianto in Friuli
