Cappella Zita e malga Rauna

la biele capele dedeade ae imperadore Zita di Borbone…

Une zornade maraveose cuntun cîl turchin/blâf cuasi cence nûi e une lune che nus cjalave lâ sù dilunc dal troi CAI 607 dut biel cuviert di nêf ma ben segnât e batût da chei cun lis cjaspis… e lant sù dilunc la forestâl che passe in mieç de boschete milenarie di Tarvis cuasi no si sint la fadure tant e je la bielece dai peçs ancjemò plens di nêf… nêf che ogni tant e cole jù fasint un biel sunôr e rinfrescjant la muse di nô che i si passave dongje… rivâts lì de malghe Raune o vin fat un pit stop par bevi alc di cjalt e po dopo o sin lâts sù fin ae biele capele Zita… achì il prât di nêf che si intaie cun il cîl ad alt dal cjadin al è un spetacul… e rivâts lì de capele o ai vude une biele sensazion di pâs… po dopo pôc plui ad alt si pues gjoldi di un biel panorame su dutis lis monts… in some o soi stât tant contenton di cheste zornade spetacolâr passade in buine compangnie cuntun soreli ch’al spacave lis pieris e sot di un cîl turchin che no mi visi di vêlu mai viodût tant biel… 😍

Cappella Zita
Cappella Zita – Valbruna Malborghetto Tarvisio

Buinis cjaminadis a ducj !!!

#peaceandlove 💙

☮ − ☯ − ☵ − ☸ − 🌍

L’ORCOLAT

AL BUSE ALE PUARTE DAL INVIER !

No je stade une biele sveiarine che di vuê buinore cuant tor lis 6.37 CET o vin sintût sdrondenà lis nestris cjasis. Cun nô a si son sveàs i ricuarts di tant timp fa cuant o vin scugnût scjampà di buride fûr di cjase. Che volte a jere sere e par fortune si steve lant viers l’istât. Cumò in plen invier a sarès une vere tragjedie. Che Diu nus mandi ben !

I dati in tempo reale del terremoto in Friuli