Monte Zaiavor

dal pas di Tanamea dilunc il CAI 727 💙 . . .

Dopo il pas di Tanamea o ai lassade la machine intal biel parcament dongje dal vieri ristorant e o ai cjapât, 100 m prime, il troi CAI 727 che al puarte sù fin lì des bochetis dal Zaiavor. . . il troi al passe intune biele boschete di faiârs e al è dut cuviert fis di fueis e al è ben segnât cun il bolin blanc/ros. . . daspò cuasi 2 oris si salte fûr de boschete e si rive sul lât Sud indulà il troi al devente un biel sarpinton ch’al puarte sù a lis bochetis dal Zaiavor indulà si pues bielzà gjoldi di un biel panorame sù la mont furlane e di une biele aiarute frescje. . . lassât il troi 727 si cjape la biele e dure sarpentine che nus puarte in cime. . . achì il troi al è plen di claps e la pendence inte trate di mieç e je fuarte. . . lant sù e conven tignîsi simpri a çampe. . . e cuant che si viôt la crôs si pues finalmentri tirâ flât . . . une cleve pardabon dure ma ae fin la bielece de mont furlane nus ripaia di dut e il cûr al è cjapât di une biele sensazion di pâs. . . 💙🙏💙 po dopo, chest troi mi à stiçât la vene poetiche inalore ve chì doi biei haiku . . . gjoldêt . . .

Fueis bagnadis
Sot dai pîts
mi pituri d’Autun. . .

Foglie bagnate
sotto i piedi
mi coloro d’autunno

Biel planc a planc
O rivi in cime,
Dentri di me dome pâs.

Con passi lenti
Sono in cima,
Dentro di me solo pace,

Buinis cjaminadis a ducj !!!

Monte Zaiavor, 23 di Otubar 2023, cjale il filmut 🎥 . . . →

In cima al monte Zaiavor 1815 m
In cima al monte Zaiavor . . . 1815 m . . .
Monte Zaiavor
Il monte Zaiavor d’autunno – 1815 m

#peaceandlove 💙

☮ − ☯ − ☵ − ☸ − 🌍

Casera Caal

. . . il bivac cul niçul . . .

Casera Caal: l'altalena
. . . il bivacco con l’altalena . . .
la cucina
. . . l’ampia e ben fornita cucina . . .
monte Zaiavor - Musi - Plauris
. . .da sinistra monte Zaiavor, catena del Musi, monte Plauris . . .

Buinis cjaminadis a ducj !!!

#peaceandlove 💙

☮ − ☯ − ☵ − ☸ − 🌍