Fieste de Patrie dal Friûl

il leam cun lis nestris lidrîs

La patrie dal Friûl - riviste furlane fuarte

Il 3 di Avrîl dal 1077 e je une date fondamentâl pe storie dal Friûl. In cheste date al nassè di fat il Stât patriarcjâl furlan, ven a stai la Patrie dal Friûl, une istituzion vuidade dal Patriarcje di Aquilee che al tignarà adun fintremai il XVIII secul il Friûl e tancj altris teritoris dongje di chel. Sabide ai 23 di Març 2013 si screin lis manifestazions par celebrâ la Fieste de Patrie dal Friûl inmaneadis de Provincie di Udin dutun cun i Comuns di Dolegne e San Zorç di Noiâr, ma il cûr des iniziativis si varà chest an tal comun gurizan di Dolegne. Domenie ai 7 di Avrîl 2013, aes 11, e vignarà celebrade la Sante messe par furlan e, aes 11.45, e vignarà lete la bole imperiâl di Enrico IV; aes 12 il program al proviôt il salût des autoritâts e la premiazion de seconde edizion dal concors pes scuelis “Emozions furlanis in viaç pal teritori”. Tal dopo di misdì visitis vuidadis tai itineraris storics, turistics dal teritori di Dolegne.
Lungje vite al Friûl libar, simpri !

UNIVERSITÂT DI CIVIDÂT

UNE DE PLUI ANTIGHIS

Tal 1353 daûr de istance dal patriarcje Nicolau di Lussemburc, so fradi, l’imperadôr Carli IV di Lussemburc, al ricognossè a Cividât il titul di “Studium generale“. La citât che e jere za un centri politic e comerciâl impuartant, e deventà ancje sede de Universitât che e veve il fin di permeti ai students Todescs, Ongjarês, Slâfs e di Chenti di studiâ plui dongje cence vê di lâ fin in Lombardie. Al va dit che Carli IV al veve di cognossi ben Cividât viodût che al jere stât ospit de citât daûr dal invît dal grant patriarcje Bertrant di St. Geniès che al veve a cûr i interès dal puest, ancje se po l’imperadôr al complotà par fâlu fûr a San Zorç de Richinvelde ( 1350 ). Ma cheste a je un altre storie.
Tornânt ai dîs di cumò, o pues zontà, che cuant a je stade inmaneade l’Universitât di Architeture a Udin e varès dovût jessi ancje spazi par fa dai cors a Cividât. Ma par il fat che jere poc prime stade inmaneade ancje a Triest le stesse facoltât non al è stât plui pussibil vele ancje a Cividât.
A sarès ore di fa valè i nestris dirits, domandant le sieredure de facoltât di Triest parcè che a je in concorence con che di Udin e viersiint che di Cividât che al à une storie une vore antighe.
Furlans in uaite ! 😉

Cjalaitsi lis foto di Cividât…>>

😎