SCRÎF

SMS PAR FURLAN

La Provincie di Udin al à inmaneât un gnûf software in graciis dal cual al è pussibil meti sù sul propi telefonin un sisteme di predizion dal test par furlan, che al darà la pussibilitât di doprâ la marilenghe furlane.
Par podê doprâ chest sisteme al sarà suficient che il propit telefonin al sedi compatibil cun Java. Il software al pues jessi scjariât dal sît de Aministrazion Provinciâl e po dopo instalât sul telefonin cul propi computer o ricevint la aplicazion traviers de stesse rêt celulâr.
Il progjet, finanziât cul contribût de leç 482/99 cul parê positîf dal A.R.Le.F., al è stât realizât, pe part tecniche de Open Lab (inz. Carlo Zoli) e pe part linguistiche de Cooperative di informazion furlane.

Dut câs la aplicazion e je in vie di sperimentazion e duncje e podarès presentâ difiets o imperfezions. In chest câs o sarìn grâts se nus mandais une segnalazion in mût di podê miorâ la aplicazion.

Sclice su le figure dal telefonin par discjamà il software

Scrîf sms par furlan !