Mont Matajur

la biele glesiute dal Redentôr. . . 💙 . . .

Vuê o ai fate une biele cjaminade sù la mont Matajur par rinfrescjament dai muscui e par gjoldi di chest biel cîl blâf. . . lant sù par il troi centrâl o viodevi la glesiute sù in cime. . . e chest mi à fat vignî intal cjâf di cetant ch’al sedi impuartant vê simpri biel clâr il proprit obietîf ancje cuant che cualchi nûl nus lu scuint. . . ma vuê il cîl al jere tant lustri che e someave cuasi di rivâ a tocjâ lis monts tor ator. . . e di là sù si viodeve il mâr e la lagune di Grau. . . pardabon un spetacul bielonon . . . cognoseiso la storie de Batognica ven a stai de mont Ros? Cumò us conti. . . la mont Neri e je plui alte de mont Ros ma nol è simpri stât cussì difat prin de Grande Vuere la Batognica e jere plui alte dal Krn ma vie pe vuere lis canonadis e lis minis a án fat saltâ la piche fasintle deventâ une creste, chê che si viot cumò . . . puare Batognica. . .

Buinis cjaminadis a ducj !!!

Matajur, 17 di Otubar 2023, cjale il filmut 🎥 . . . →

Monte Nero e monte Rosso
Monte Nero e monte Rosso

#peaceandlove 💙

☮ − ☯ − ☵ − ☸ − 🌍

Mont Matajur

. . . la prime nêf di Dicembar

Profitant di une biele zornade soreglade o soi lât a fâ une cjaminade su la mont Matajur tant par sierâ in bielece chest an 2022 tacât propit il prin dal an cuntune cjaminade su cheste biele mont furlane… lì dal parcament dongje dal ripâr Pelizzo il panorame su la plane furlane al jere maraveôs e il soreli al slusive sul mâr… rivât in cime o ai cjatât tancj nui, une biele buerate e a tacavin a vignî jù dai biei flocs di nêf… al someave di jessi intune flabe di Andersen… cussì o soi tornât indaûr cun tante gjonde intal cûr sintint dentri une grande calme… inalore sperìn di podê tornâ sul Matajur biel prest…

Buinis cjaminadis a ducj… Mandi!

. . .cjale il filmut 🎥

☮ − ☯ − ☵ − ☸ − 🌍