Tag: Valbruna

Monte Nebria

. . . plui cime a soreli bonât e cime a soreli jevât 🗻 . . .

Vuê 29 di Novembar 2023, zornade maraveose cuntun cîl blâf cence une bave di aiar. . . in cime ae mont Nebria si stave miôr che a Lignan. . . o ai incuintrât une cubie Austriache e si sin fermâts a tabaiâ par inglês in cime cjapant il soreli. . . une zornade bielonone . . . dilunc il troi CAI 658 e 608 pocje nêf par fortune ma doi biei slacs a testemoneance dal brut timp stât . . . e il secont slac dilunc il 608, lant sù, al tapone buine part de jentrade inte galarie. . . cheste biele zornade mi à stiçât la vene poetiche cussì ve chì chest biel haiku ->

Fin che va, si va
Avanti tutta
Con un nuovo inizio

D+ ~600 m
🕚 03H30 cjapant il soreli in cime
🔄 8 km a/r par EE

Monte Nebria
Mont Nebria 1207 m
Nebria cima Ovest
Nebria cima a soreli bonât
Nebria cima Est
Nebria cime a soreli jevât

Buinis cjaminadis a ducj !!!

#peaceandlove 💙

☮ − ☯ − ☵ − ☸ − 🌍

Cappella Zita e malga Rauna

la biele capele dedeade ae imperadore Zita di Borbone…

Une zornade maraveose cuntun cîl turchin/blâf cuasi cence nûi e une lune che nus cjalave lâ sù dilunc dal troi CAI 607 dut biel cuviert di nêf ma ben segnât e batût da chei cun lis cjaspis… e lant sù dilunc la forestâl che passe in mieç de boschete milenarie di Tarvis cuasi no si sint la fadure tant e je la bielece dai peçs ancjemò plens di nêf… nêf che ogni tant e cole jù fasint un biel sunôr e rinfrescjant la muse di nô che i si passave dongje… rivâts lì de malghe Raune o vin fat un pit stop par bevi alc di cjalt e po dopo o sin lâts sù fin ae biele capele Zita… achì il prât di nêf che si intaie cun il cîl ad alt dal cjadin al è un spetacul… e rivâts lì de capele o ai vude une biele sensazion di pâs… po dopo pôc plui ad alt si pues gjoldi di un biel panorame su dutis lis monts… in some o soi stât tant contenton di cheste zornade spetacolâr passade in buine compangnie cuntun soreli ch’al spacave lis pieris e sot di un cîl turchin che no mi visi di vêlu mai viodût tant biel… 😍

Cappella Zita
Cappella Zita – Valbruna Malborghetto Tarvisio

Buinis cjaminadis a ducj !!!

#peaceandlove 💙

☮ − ☯ − ☵ − ☸ − 🌍