La Crete des bielis rosutis zalis e viole
Al numar 5b di Malemaseria dongje Ciseriis di Tarcint al tache il troi par lâ ae crete de mont Stele . . . passât il puartonut di fier, daspô vêlu sierât ben par no fâ scjampâ lis cjavris, e tignintsi a çampe, si va di ribe jù fin lì dal torint . . . passât il puintut si va sù drets, e lant daûr dal troi strent, plen di claps ma avonde ben visibil si rive, daspô di une biele cjaminade che e passe ancje par un grant glereon, ae crete biele . . .
la distance no je grande plui o mancul a son 1,5 km e a van passe 35 minûts, ma ae fin rivant ae crete la sodisfazion e je grande . . . ae base a son cetantis bielis rosutis zalis (Alisso sassicolo) e viole (Ajuga genevensis) e il cret al è bielonon . . .
la part basse e je esponude a Sud tant che la part ad alt, un tic plui discomude par vie de pendence fuarte, e je esponude a Est . . .
il segn GPX chì sot nol è masse precîs par il fat che inte mape nol è segnât dut il troi che si fâs par rivâ lì de crete . . . la part che no je precise e je chê che e va dal puintut al troi segnât sù la mape cun strichis di colôr verts . . . ad ogni mût provait ad orientâsi . . . ve chì lis coordenadis de crete . . .
COORD Crete Mont Stele:
46.242917, 13.235500
Achì la Vuide de Crete de mont Stele
Buone arrampicate a tutti !!!
#peaceandlove
☮ − ☯ − ☵ − ☸ − 🌍
P.S. par sierâ ben il puartonut al baste tirâlu sù e poiâlu cuintri dal cret . . . 😉