wilderness – Webandana Blog

Bivac Brollo

. . . dilunc il troi dai materàs . . .

Vuê o ai fate une biele cjaminade in Alte Val Tor dilunc il troi CAI 737 che mi à puartât sù al bivac Dino Brollo… e je stade une cjaminade impegnative par vie che il troi al tache fin di subite a tirâ sù ben e in 3.2 km si fâs un disnivel di 1014 m… di fat al è un troi une vore salvadi che al passe dongje canalons, glereons e cretis e al è in tancj puescj esponût stant che si cjamine sù dai biei curnisons e al è un passaç cence dinissune protezion che o clamarès il passaç des fantacinis tant che chel par lâ sul Cjampon… al è ancje un altri passaç delicât di ribe jù sù la crete ma achì al è un fîl di fier par tignîsi… e a son ancje cetantis cretis indulà e tocje di rimpinâsi… ma la bielece di chest puest salvadi al ripaie di dutis lis faduris… lant sù la prime robe biele che si sint al è l’odôr dal prât cun lis rosutis bielis che a nulissin bon e dai peçs… rivâts dongje de salvadie mont Tamor si jentre intune biele boschete al ripâr dal soreli e prime di rivâ lì dal bivac a son diviers tocs di ribe jù/sù di fâ passant in mieç dai faiârs… intal ultin toc dal troi si pues gjoldi dal spetacul dal Musi tant biel… o vevi pensât di lâ sù fin ae Cime Est ma vuê lis gjambis no ziravin tant ben e rivât al bivac o ai vût miôr fermâmi a lì… intal bivac al è puest par 4 forsit 5 personis e e je une stue e un cjanton cusine… fûr dal bivac e je une taule indulà che o ai sostât par une bocjade e par fevelâ cuntune cubie di zovins passionâts di lâ a cjaminâ ma ancje di lâ a rimpinâsi e cussì o vin fate une biele tabaiade tant che jê si gjavave une raspule cjatade inte man … la robe che mi à colpît e je che, viôt po ce câs, no si visavin i nons par furlan di cierts puescj… dal acent mi somee che a vignivin bande dal cjâf lûc cjarsolin… chest mi à fat un tic rifleti sul mût che nus viodin di chês bandis… po ben, amen… cussì par cheste volte la Cime Est e je lade sù pal stec ma o speri biel prest di tornâ chenti… insome une biele cjaminade par EE cic (=cjaminadôrs in curnison)… i materàs a saressin lis cretis ad alt che si viodin biel vignint di ribe jù a çampe e che a son inclinadis une di flanc a chê altre…
D+ 1150 A/R 6.4 km…

Buinis cjaminadis a ducj !!!

Mobte Musi — Dal bivacco Brollo vista sul Musi Cima Ovest ed Est. . .

CAI737, Ciclamini – Bivacco Brollo, GPX

#peaceandlove 💙

☮ − ☯ − ☵ − ☸ − 🌍

Arrampicarnia 2023

nella splendida cornice del lago Avostanis

Buinis cjaminadis a ducj !!!

#peaceandlove 💙

☮ − ☯ − ☵ − ☸ − 🌍

Malga Tuglia

. . . 1604 m

Indulà che o viodês cheste biele malghe, che si cjate intune valade spetacolâr, e varès di passâ une camionabil… di fat a àn vude la biele idee di fâ une camionabil che e passarès propit lì dal troi CAI 227 e po dopo e larès indenant dilunc il troi CAI 228 viers il ripâr Chiampizulon, par rivâ fin a Sostâs… in chest mût la biele boschete e sarès dute disfade par fâ un stradon… alore vuê, par viodi di dongje e par cognossi il lûc, o soi lât a fâ une cjaminade dilunc il troi CAI 227 partint di Plan di Vas e rivant ae malghe Tuglia… cuant che o soi rivât lì dal grant glereon che al ven jù dal pas dal Pleros o soi restât sturnît de sô largjece e profonditât… e biel che o cjalavi il glereon o ai sintût cualchi clap che al rodulave jù e inalore o soi tornât un pôc indaûr ma i claps si son fermâts ad alt e o ai pensât a cetante aghe e claps che a vignaran jù cuant che al plûf ben… ad ogni mût par passâ chest glereon o crôt che al coventarès fâ sù un viadot… cussì il paisaç al vignarès dal dut savoltât e dal troi restaraial alc? ce us someial, po? 🌲💚🌲

Sentiero CAI 227 — Il bel sentiero CAI 227

Ghiaione — Il ghiaione lungo il sentiero CAI 227…

Buinis cjaminadis a ducj !!!

CAI227, Piani di Vas – Malga Tuglia, GPX

#peaceandlove 💙

☮ − ☯ − ☵ − ☸ − 🌍

Falesia di Avostanis

. . . una delle più belle in Europa

Oggi verso le 11H15 quando sono arrivato a malga Pramosio Bassa il sole era alto nel cielo e scaldava bene ma c’era un’aria fredda e fastidiosa… verso le 11H30 mi sono incamminato lungo il sentiero CAI 402, pronto per un’avventura nella magnifica cornice delle Alpi Carniche per arrivare fino al suggestivo Lago di Avostanis, un piccolo tesoro alpino situato a 1936 m sul livello del mare…

il sentiero sale ripido e attraversa diverse lingue di neve che ancora lo ricoprono… il vento soffiava bene specialmente nei tratti più esposti ma il calore del sole rendeva la camminata piacevole…

salendo, si passa vicino alla targa commemorativa che rende omaggio a una portatrice carnica… Maria Plozner Mentil… per ricordarci la storia di questa donna coraggiosa che, come molte altre donne durante la Prima Guerra Mondiale, aveva svolto un ruolo fondamentale nel supporto delle truppe e nella logistica di montagna… questo mi ha fatto riflettere a quanto siano state importanti le donne durante la Grande Guerra non solo in montagna ma anche nelle fabbriche… eh già, perché l’occupazione femminile nelle fabbriche in quegli anni è passata dal 2% a più del 20%… e ricordo che le donne non solo erano emarginate dalla vita lavorativa ma anche da quella civile non avendo il diritto di voto…

continuando a salire lungo il sentiero, osservavo la Creta di Timau e la bella cima Avostanis ancora tutta innevata… e il torrente Scuro che scendendo e attraversando il sentiero faceva un bel salto a valle…
finalmente, dopo un po’ di fatica, ho raggiunto il Lago Avostanis… e mi sono potuto immergere nel silenzioso bianco abbagliante del lago quasi tutto ricoperto dalla neve… il silenzio era rotto solo dal verso stridulo di una poiana, dal mormorio dell’acqua del torrente Scuro… e da un wild cat che si aggirava tra le rocce… un incontro fugace con la selvaggia bellezza della fauna alpina…
a proposito ricordatevi di usare degli occhiali da sole cat. 3, io ce li avevo per fortuna, perché la luce riflessa dalla neve specialmente nella conca del lago è veramente abbacinante…

erano le 13:15 quando sono rientrato alla malga Pramosio Bassa… dove ho incontrato due climber che si accingevano a salire al lago con tutta l’attrezzatura per arrampicare… forse si stanno allenando per partecipare alla manifestazione di giugno Arrampicarnia 2023… abbiamo scambiato qualche parola in inglese e gli ho detto che lassù c’era ancora molta neve e loro mi hanno chiesto se la parete era asciutta… gli ho detto di sì…
il sole ormai era coperto dalle nuvole, e l’aria fredda si faceva sentire ma il mio cuore era soddisfato per questa bella camminata in un posto conosciuto ma sempre così magico…

Buinis cjaminadis a ducj !!!

Lago Avostanis — Il lago Avostanis, di origine glaciale, posto a 1936 m nelle Alpi Carniche

Climbers a Malga Pramosio bassa — Sono le 13H55 e c’è chi va sù ad arrampicare…

A tutte le portatrici carniche che,come molte donne, hanno dato un contributo fondamentale durante la Grande Guerra… 🙏

#peaceandlove 💙

☮ − ☯ − ☵ − ☸ − 🌍

Falesia La Bianca

… Val Rosandra

Buinis cjaminadis a ducj !!!

. . . Cjale il filmut 🎥 . . .

#peaceandlove 💙

☮ − ☯ − ☵ − ☸ − 🌍

Altari crag

. . . Val Rosandra

Buinis cjaminadis a ducj !!!

. . . Cjale il filmut 🎥 . . .

#peaceandlove 💙

☮ − ☯ − ☵ − ☸ − 🌍

Villa Manin

Passarian

Buinis cjaminadis a ducj !!!

. . . Villa Manin, Cjale il filmut 🎥 . . .

#peaceandlove 💙

☮ − ☯ − ☵ − ☸ − 🌍

Mont Sernio

. . . parêt Nord . . .

Buinis cjaminadis a ducj !!!

. . . Cjale il filmut 🎥 . . .

#peaceandlove 💙

☮ − ☯ − ☵ − ☸ − 🌍

Mont Tersadie

. . .la mont dai Celtis

Cheste e je une mont cun tante Storie daûr ancje une vore antighe stant che a son dai segns dal passaç dai Celtis tant che intal prât dongje de malghe Valmedan Alte in ocasion de fieste celtiche dal 2016 al è stât fat cun i claps un biel triskell che ancjemò si pues viodi… po dopo par vie che dae cime si viodeve ben dut tor ator, la mont e je deventade un biel sisteme par difindisi inte Grande Vuere… la cjaminade e tache lì de biele glesiute di San Martin a Val di Rualp, lant sù pe stradute asfaltade che si cjape juste daûr de glesie e e va sù dilunc de boschete fin ae malghe Valmedan Alte.. rivâts ae malghe e tignint la malghe a drete si cjape a çampe il troi CAI 409 che al va sù fin a 1780 m puartantnus sul versant Nord de mont indulà si cjape il troi che al rive insom dal Tersadia… tor dai 1800 m il troi al va di ribe jù e chest toc al è ancjemò plen di nêf ma no son problemas a lâ indenant… passât chest toc il troi al tache a lâ sù ben e la buere vuê e soflave ben ma cun il cjalt che al jere si stave benon… rivât in cime dopo cuasi trê oris di cjaminade o soi stât apaiât di un panorame spetacolâr… ma bielzà lant sù o ai podût gjoldi de bielece dal Sernio il gno amôr segret che cumò nol è plui tant segret… in cime si cjate une biele statue blancje de Madonute e une grande crôs di metal e dongje a son ancjemò i mûrs di un cason di sigûr doprât dai militârs… cualchi metri plui in sù e je la vere cime e di chì si gjolt di une viste maraveose su dute la mont furlane e il Peralba al è propit lì denant… dopo vê dade une bocjade o soi lât jù fasint la stesse strade e in dôs oris o soi rivât di gnûf lì de biele glesiute e o jeri biel cuet par il cjaldon stant che o soi partît a vonde a tart, magari cussì no, ma il gno cûr al jere plen di gjonde… in sumis une biele cjaminade che o consei a ducj di fâ…
D+ 1100 m – 12 km…

. . . Sernio, parêt Nord, cjale il filmut . . . 🎥

Buinis cjaminadis a ducj !!!

#peaceandlove 💙

☮ − ☯ − ☵ − ☸ − 🌍

Cason Brunner

. . . e Vetta Bella . . .

Vuê o soi lât a fâ une biele cjaminade bandis Nevee molant la machine dilunc de strade che e va al lât dal Predil intun parcament che si cjate 200 m prin dal puint sul Riu Blanc… subite dopo dal puint al tache il troi CAI 625 che al va sù al Cason Brunner ( 1432 m )… il troi al va sù cuntune buine pendence e al passe intune boschete di faiârs,… lant sù si pues viodi il foran dal riu plen di grancj claps che, intal periodi di sute, a podaressin di sigûr dâ sodisfazion a tancj passionâts di bouldering… di plui dilunc dal troi daspò une 15′ si cjate une biele parêt cun 4 viis par rimpinâsi vierzudis di Mazzilis e Lomasti… plui indenant al è di passâ, in doi ponts, il vât dal riu… rivant lì dal cason o ai vude la fortune di cjatâ Adriano e Andrea dal cai di Tarvis che mi àn dât bon acet e ancje cualchi consei par lâ sù la Vetta Bella… cussì o soi lât indenant par viodi cemût che al jere il troi e o soi rivât fin sot dal pareton ( 1620 m ) po dopo no si rivave plui a lâ indenant par vie che e tocjave rimpinâsi sul cret bagnât… ma achì o ai podût gjoldi dal fuart odôr dal barancli di mont… une sensazion maraveose… tornant indaûr mi soi fermât a dâ une bocjade lì dal cason Brunner e Adriano e Andrea mi àn ufiert il formadi tant bon de malghe Grantagar… il biel al è che o vevi vude ancje une mieze intenzion di lâ sù ae malghe Grantagar, cjalait po il destin… e dopo une biele tabaiade o sin vignûts jù intune… in some une biele zornade passade in buine compagnie …ma ancje un biel amarcord stant che o jeri stât di chestis bandis ben 26 agns indaûr juste intal Mai dal 1997 cuant che cun chei dal CAI di Cividât o vin fate la rimpinade sù la Vetta Bella pe Rampe orientâl e o sin rivâts in cime daspò 13 tîrs di cuarde e jo cuntun russac di 12kg che o varès podût ben lassâ lì dal Cason… ma mi visi ancjemò cuasi ducj i tîrs de vie come se o fos stât a rimpinâmi chê altre dì tant che no mi visavi propit nuie dal troi tant biel e dal foran dal riu Blanc… ancje par chest o ai vût tant gust a fâlu cumò…

Buinis cjaminadis a ducj !!!

Cjale il filmut 🎥

Vetta Bella – 2049 m Sottogruppo del Rio Bianco

Rio Bianco — Il rio Bianco lungo il CAI 625

#peaceandlove 💙

☮ − ☯ − ☵ − ☸ − 🌍

Mont Amarianute

. . . la crete dal Çus . . .

Vuê o ai fate une biele cjaminade dongje Tumieç dilunc il troi CAI 462 che al tache di vie Pissebus e al va sù la mont Amarianute… lì de beorcje indulà si cjate la tabele Troi di Cjadin a çampe e Troi di Martin a drete o ai cjapât il Troi di Martin ch’al è plui sigûr… il troi al tire sù ben e dopo ch’al à plot bisugne fâ atenzion… a cuote 700 m al è un bielvedê spetacolâr sul Tiliment e Tumieç… di lì indenant la pendence e devente plui penze ma a son dai tocs indulà al splane e si rive a cjapâ flât… cuasi dut il troi al passe intune biele boschete di peçs e a son ancje dai biei pins neris… rivât inte piçule cime il spetacul al è maraveôs cun la Amariane propit lì denant e dongje la Citate… e voltantsi viers Nord si viôt il Tersadia, e plui in là il Colians… e in som mi somee di vê viodût ancje l’Antelao… 🗻 D+ 800 m A/R 6,2 km , pendence: medie 23%, min 7% max 72% . . .

Buinis cjaminadis a ducj !!!

Mo te Amarianute — Monte Amarianute 1084 m

Monte Amarianute, GPX

#peaceandlove 💙

☮ − ☯ − ☵ − ☸ − 🌍

Mont Cuarnan

. . . di Malghe Cuarnan

O crôt che une poesie e rapresenti ben il spirt di cui ch’al va sul Cuarnan… L’infinît…

Sempre caro mi fu quest’ermo colle,
E questa siepe, che da tanta parte
Dell’ultimo orizzonte il guardo esclude.
Ma sedendo e rimirando, interminati
Spazi di là da quella, e sovrumani
Silenzi, e profondissima quiete
Io nel pensier mi fingo; ove per poco
Il cor non si spaura. E come il vento
Odo stormir tra queste piante, io quello
Infinito silenzio a questa voce
Vo comparando: e mi sovvien l’eterno,
E le morte stagioni, e la presente
E viva, e il suon di lei. Così tra questa
Immensità s’annega il pensier mio:
E il naufragar m’è dolce in questo mare

Buinis cjaminadis a ducj !!!

Monte Cuarnan - Gemona del Friuli — Chiesa del Redentore – Monte Cuarnan 1370 m

Monte Cuarnan - sentiero CAI 715 — Scendendo dal monte Cuarnan lungo il sentiero CAI 715

#peaceandlove 💙

☮ − ☯ − ☵ − ☸ − 🌍

Falesia Monte Stella

. . .la crete des bielis rosutis zalis e viole…

Al numar 5b di Malemaseria dongje Ciseriis di Tarcint al tache il troi par lâ ae crete de mont Stele… passât il puartonut di fier, daspò vêlu sierât ben par no fâ scjampâ lis cjavris, e tignintsi a çampe, si va di ribe jù fin lì dal torint… passât il puintut si va sù drets, e lant daûr dal troi strent, plen di claps ma avonde ben visibil si rive, daspò di une biele cjaminade che e passe ancje par un grant glereon, ae crete biele… la distance no je grande plui o mancul e je di 1,5 km e a van passe 35′ ma ae fin rivant ae crete la sodisfazion e je grande… ae base a son cetantis bielis rosutis zalis (Alisso sassicolo) e viole (Ajuga genevensis) e il cret al è bielonon… la part basse e je esponude a Sud tant che la part ad alt, un tic plui discomude par vie de pendence fuarte, e je esponude a Est… il segn GPX chì sot nol è masse precîs par vie che lu ai fat a cjase e par il fat che inte mape nol è segnât dut il troi che si fa par rivâ lì de crete… la part che no je precise e je chê che e va dal puintut al troi segnât sù la mape cun strichis di colôr vert… ad ogni mût se o lais daûr de mês indicazions no son problemas… ve chì lis coordenadis de crete…

COORD Falesia Monte Stella: 46°14’34.5″N , 13°14’07.8″E

Ve chì la pagjine dedeade ae crete

Falesia Monte Stella - climbing — Lato sx della falesia Monte Stella

Falesia Monte Stella — Tanti fiorellini gialli alla base della falesia

Climb hard or stay home

Segn aprossimatîf par rivâ lì de crete, GPX

#peaceandlove 💙

☮ − ☯ − ☵ − ☸ − 🌍

Mont Stelute

e la pissande di Crosis

Domenie ai 16 di Avrîl dal 2023, o ai fate une biele cjaminade bande Stele di Tarcint lant dilunc dal troi par lâ lì de crete di Stele e rivant sù la mont Stelute, une culinute che jo o ai clamade cussì, just my imagination, ma no sai se e à pardabon un non… po dopo o soi lât a viodi la biele pissande di Crosis che e je stade pensade di Arturo Malignani intai prins agns dal ‘900 par fâ lâ indenant une centrâl eletriche che ancjemò e funzione… e visâsi di Arturo Malignani, imprenditôr e inventôr furlan, in chest mês di Avrîl indulà si fasin tantis seradis pe Fieste de Patrie dal Friûl, mi à someât jessi une robe tant biele… #fuarceFriûl simpri… 💙💛

La Cascata di Crosis a Ciseriis – Tarcento …da un’idea di Arturo Malignani

Buinis cjaminadis a ducj !!!

. . . La pissande di Crosis, cjale il filmut 🎥 . . .

#peaceandlove 💙

☮ − ☯ − ☵ − ☸ − 🌍

Ta Lipa Pot

. . . dilunc il biel troi . . .

CAI 662 – D+ 250 m – 10 Km

Ponticello dell'amore — Ponticello dell’amore lungo il sentiero Ta lipa pot a Stolvizza di Resia

… e visite al landri artificiâl cul barcon fat al timp de Grande Vuere dilunc il troi CAI 643 dongje Stolvizza…

Buinis cjaminadis a ducj !!!

#peaceandlove 💙

☮ − ☯ − ☵ − ☸ − 🌍

Buine Pasche

. . . 09 Avrîl 2023 . . .

28 1- Passade la sabide, sul cricâ dal prin dì de setemane, Marie di Magdale cun chê altre Marie e vignì a fâi visite al sepulcri. 2- E ve ch’al capità un grant taramot: di fat un agnul dal Signôr, vignût jù dal cîl, si svicinâ, al rodolâ vie la piere e si sentâ parsore di jê. 3- Il so aspiet al jere come il folc e lis sôs viestis blancjis come la nêf. 4- Viodintlu, lis vuardiis a restarin interdetis e a deventarin come muartis. 5- L’agnul ur disè a lis feminis: “Vualtris no stait a vê pôre! O sai ch’o cirîs Jesù metût in crôs; 6- nol è culì, al è resurît, come ch’al veve dit. Sveltis, vignît a viodi il lûc là ch’al jere metût. 7- E cumò lait a dîur ai siei dissepui che lui al è resurît dai muarts. E ve che lui al va denant di vualtris in Galilee; li lu viodarês. Ve, us al ài dit”.

L’aparizion a lis feminis

8- E chês, lassât di presse il sepolcri, e, plenis di grande pôre e tal stes timp di grande gjonde, a lerin di corse a puartâ la gnove ai siei dissepui. 9- E ve: Jesù ur lè incuintri disint: “Stait contentis!”. Lôr si svicinarin, i strengerin i pîts e lu adorarin. 10- Alore Jesù ur disè: “No stait a vê pôre, lait e visait i miei fradis ch’a ledin in Galilee; li mi viodaran”.

La coruzion dai soldâts

11- Biel che lôr a jerin pe strade, ve che un troput di vuardiis a lerin in citât e a contarin ai sorestants dut ce ch’al jere sucedût. 12- Chei, dâts dongje insiemi cu i anzians, si consearin fra di lôr e ur derin ai soldâts un slac di bêçs 13- disint: “Disêt che vie pe gnot a son rivâts i dissepui di lui e lu àn puartât vie, biel che nô o durmivin. 14- Se la robe e ves di rivâi par cumbinazion tes orelis al governadôr, lu convinçarìn nô a no fâus nissune malegracie”. 15- Lôr, cjapâts i bêçs, a faserin come che ur vevin insegnât. Cussì cheste cjàcare e à cjapât pît framieç dai gjudeus fint in dì di vuê.

L’aparizion in Galilee

16- I undis dissepui a lerin in Galilee, su la mont, tal lûc che ur veve dit Jesù. 17- Viodintlu lu adorarin; cualchidun però al veve ancjemò dubits. 18- Alore Jesù ur fevelà disint: “Mi è stât dât ogni podê in cîl e su la tiere. 19- Lait duncje, inscuelait dutis lis nazions, batiantlis tal non dal Pari e dal Fi e dal Spiritussant, 20- insegnantjur a meti in pratiche dut ce che jo us ài ordenât. E ve che jo o soi cun vualtris ducj i dîs, fint a la fin dal mont”.

. . . Cjale il filmut 🎥 . . .

Buinis cjaminadis a ducj !!!

Buona Pasqua - albero dell'ulivo — Buine Pasche a ducj !

#peaceandlove 💙

☮ − ☯ − ☵ − ☸ − 🌍

Madone di Mont

dilunc il troi CAI 760

Vuê zornade di rinfrescjament par gjavâ l’acit latic produsût intai dîs passâts e cussì o ai fat une biele cjaminade dongje cjase… parcade la machine a Cemur, o soi lât sù a Picon e po dopo o ai cjapât il troi CAI 760 che rivant di S. Leonart al va sù fin cuasi a Madone di Mont… la strade che e puarte sù a Picon e je dute asfaltade, une volte passe vincj agns fa no jere cussì, po dopo rivât a Picon, un biel paîs di cuatri cjasis cualchidune ristruturade e cualchidune no, si cjape il troi che al va sù passant intune biele boschete e strade fasint si cjate une edicule de Madone e dongje e je une bancjute… di culì il troi al tache a lâ sù ben e a son cetancj claps e biel placut o soi rivât su la strade par Tribil… achì o sin juste sot dal santuari e cjapant il troi CAI 747 si rive a Madone di Mont in 5’… in dut par lâ sù o soi stât une ore e passe… D+ 500 – 9 km a/r

Buinis cjaminadis a ducj !!!

Segnaletica CAI 760 — Dietro la segnaletica, Picon – CAI 760, si legge questa curiosa scritta dove si menziona la commissione Giulio Carnica Sentieri…

Cemur – Picon – Castelmonte, GPX

#peaceandlove 💙

☮ − ☯ − ☵ − ☸ − 🌍

Matajur

. . . lât Nord . . .

Un biel zîr par lâ in cime al Matajur al è chel des malghis di Mersino ven a stai dal ripâr Pelizzo si cjape a çampe il troi CAI 750 che al va viers soreli bonât cuntun andament a serpint, passant in mieç a cetantis pieris, e rivant lì dal Marsinska Planina, CAI 725, achì si svolte a drete viers Nord e si passe dongje lis malghis fin a rivâ sot de cime dal Matajur de bande Nord che e je ancjemò cuvierte di nêf… lant sù biel a planc si rive in cime cence problemas… cuant che il cîl al è blâf di lassù si viôt benon dute la mont ator ator fin al mâr… une maravee pardabon…

Buinis cjaminadis a ducj !!!

Osservatorio Astronomico — Sono costato 300 mila euro e adesso mi hanno abbandonato 🙆

#peaceandlove 💙

☮ − ☯ − ☵ − ☸ − 🌍

maggio: 2023
D	L	M	M	G	V	S
« Apr
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31