… CHEL RIÇ DILUNC LA LINIE DE OMBRENE
A son des voltis che a non si rive ad ore a distingui il confin tra la muart e la vite, al è ce tant che jessi jenfri la ombrene e la lus.
E al è cuant che o sin dilunc la linie de ombrene che la nestre vite a jê massimementri in pericul. In cheste zone lis robis a no si viodin ben, par la cuâl al è facil ch’al sucedial alc cal no va.
Cuant o soi rivât la prime volte dilunc chel trat di strade il riç no l’ere ancjemò, daspò un vincj minuts o soi ripassât par di lì e lu ai cjatât con il so piçul music ce tant zentîl e cun il so cuarp cuviert di spinis distirât par tiere in tune magle di sanc.
Oltri che a provâ dûl o soi stât ancje colpît dal fat che il riç al si cjatave dongje de linie de ombrene. In un prin moment o ai pensat ma cjale un po ce brute int che pase di chi, non à nancje dûl par un puar riç. Al ere un trat di strade dongje un parc di machinis in dulà no è pussibil cori ma dome là planc.
Ma daspò ve pensât parsore un pôc, o ai capît che chel automobilist no jere rivât a viodi il riç par vie che il riç al si cjatave dilunc la linie de ombrene.
Intal cine Visionario di Udin a si pues viodi fin tramai la setemane che a ven il film “Il Riccio “, ch’a al è giavât fûr dal romanç di Muriel Barbery “L’Eleganza del Riccio”, è a chel puar riç che o volarès dedeà il film.
“… i riçs animaluts par fente sflacjons, energjichementri solitaris e une vore elegantons.”
