Chest al è stât il spirt di chês zornadis…al jere il 6 di Mai dal 1976 e il Friûl al vignive sdrumât dal taramot, tant che sot di chês ruvinis a jerin cuasi 1000 personis jenfri oms e fantats… ma la dì dopo e jere chenti cetante int pronte a dà une man… alpins, oms dal esercit, volontaris clamâts adun des parochiis… a vignivin no dome de Italia ma ancje de Austrie, Gjermanie, Americhe … e modon su modon, piere su piere dut al è stât tirât sù di gnûf… dulà ca jerin, cemût ca jerin… daspò 41 agns nô furlans no dismenteìn chei moments e ducj chei che nus an judât…
L’ORCULAT
Oh se il teremot
al foss un orculat
ingiaulât salvan
fuarton e trist
bon di sdrumâ cence fadia
tors di glescias e storia
e di parâ in masceria
bicocas e cjascjei
e come un giûc di cjartas
i paisuts dai cjargnei…
Oh se il teremot
al foss un drâc
platât dismenteât
vivarôs e luscint
che sott via al va sgarfant
ora prescint
par fâ sprofondâ
citâts e marans
e ca e là a so caprici
las cjasas dai furlans
Oh se il teremot
al foss un mazzarot
pelôs grass
vuarp e bigot
ch’al va sdrondenant di nott
cjadenas sui tetts
e quant ch’hai peta
come scorias
las cjapa cun dôs mans
e ‘l para in fruçons
i paîs dai terons …
Massa biel
s’al foss cussì
il teremot
che alora bastaress
di Aga santa un spargott
o di San Zorz il spiçott
poesie cjapade fûr de racuelte:
Sboradura e sanc, Nuova Guaraldi, Firenze, 1981
#fuarceFriûl, simpri . . .
