Panorama dal Monte Glemina

Il riviel dal 1511

la crudêl zobja grassa . . .

Tal 1511 la Joibe Grasse e colave juste ai 27 di Fevrâr e, ta chê zornade, si inviâ  il riviel plui grues de storie dal Friûl.
Stiçats de false gnove, butade fûr di Toni Savorgnan (il sassin), che i filoimperiâi a jerin rivâts a Pradaman, cetancj contadins plens di marum a tacarin un riviel cuintri dai nobii udinês. La prime cjase a colâ e fo propit chê dai Della Torre (i Troians), che a stavin de bande dai nobii e dai borghês.
In bandis di vuerilie, i contadins a cjaparin, a meterin a sac e a brusarin cjistiei e palaçs ator par dute la Patrie tant che chei di Vilalte, Murîs, Zopule, Voleson, Spilimberc, Colorêt, Susans, Madrîs, S.Denêl, Feagne, Tarcint e v.i. A bonâ il dut a rivarin il taramot dai 26 di Març che al sdrumâ  il cjistiel di Udin e la gjandusse che a faserin miârs di muarts.
Il riviel al fo inneât tal sanc, ma lis comunitâts furlanis a cjaparin cussience de lôr fuarce. Une fuarce che ur permetê di tratâ la lôr poie militâr a Vignesie daûr dal rispiet dai lôr dirits e che, cualchi an plui a tart, e fasê nassi la Contadinance, orghin rapresentatîf des comunitâts rurâls cence avuâi in Europe. Cussì il 27 di Fevrâr e je deventade la date miôr par celebrâ la Zornade Furlane dai Dirits.
Inalore visinsi simpri dal 27 Fevrâr 1511 par ricjatâ cussience e braure di cui che o sin, par no dismenteâ che i furlans a àn savût lotâ pai lôr dirits.

#FuarceFriûl , simpri !

il riviel dal 1511

#peaceandlove


☮ − ☯ − ☵ − ☸ − 🌍



Questo sito gestisce tutti i dati trattati nel rispetto del Regolamento europeo noto come GDPR che riguarda il trattamento e la libera circolazione dei dati personali, inoltre utilizza i dati al solo fine di fornire i servizi richiesti. I cookie ci aiutano a fornire i nostri servizi. Utilizzando tali servizi, accetti l'utilizzo dei cookie da parte nostra. Nessun dato trattato è fornito a terze parti.
Privacy Policy OK !