Monte Verzegnis 1914 m

Sentiero delle Creste

dilunc il CAI 806 . . .

Partint dal biel parcament lì dal ristobar “In Sella” a Siele Cjalçutan si va sù dilunc il troi Cai 806… il prin toc dal troi al passe intune biele boschete di faiârs e al è cuviert di tantis sfueis par la cuâl vignint di ribe jù bisugne fâ atenzion a no sbrissâ… dilunc il troi si viôt ben ce ch’al reste de teleferiche doprade par puartâ jù i blocs di marmul, il tant cognossût marmul di Verzegnis . . . il troi al tire sù ben e ad alt saltant fûr de boschete al va viers casere Val … chest toc al è il troi des crestis e di chì si pues gjoldi di un panorame spetacolâr sù lis monts Juliis e sù lis crestis dongje … la mont Verzegnis, la Cormolina, la LOVinzola e la Piombada… vuê un cîl blâf al faseve viodi dut plui biel pecjât dome par chê buerate frede che no à  mai molât… rivât lì de casere Val, sedi pe buere sedi pe nêf glaçade, o ai decidût di tornâ  indaûr… e strade fasint o ai cjatât un ripâr lì des cretis par gustâ in sante pâs… a proposit cjaminant inte boschete, salacor stiçât dal rumôr des sfueis, un falcut al à  svolât parsore di me lant vie displasût di no vê cjatât alc di bon di crostâ . . .
D+ 700 – 10 km a/r – EE

Buinis cjaminadis a ducj !!!

Scultura
“La Marianna” opera di Maria Grazia Collini

#peaceandlove


☮ − ☯ − ☵ − ☸ − 🌍



Questo sito gestisce tutti i dati trattati nel rispetto del Regolamento europeo noto come GDPR che riguarda il trattamento e la libera circolazione dei dati personali, inoltre utilizza i dati al solo fine di fornire i servizi richiesti. I cookie ci aiutano a fornire i nostri servizi. Utilizzando tali servizi, accetti l'utilizzo dei cookie da parte nostra. Nessun dato trattato è fornito a terze parti.
Privacy Policy OK !