Monte Zaiavor

dal pas di Tanamea dilunc il CAI 727 . . .

Dopo il pas di Tanamea o ai lassade la machine intal biel parcament dongje dal vieri ristorant e o ai cjapât, 100 m prime, il troi CAI 727 che al puarte sù fin lì des bochetis dal Zaiavor. . . il troi al passe intune biele boschete di faiârs e al è dut cuviert fis di fueis e al è ben segnât cun il bolin blanc/ros. . . daspò cuasi 2 oris si salte fûr de boschete e si rive sul lât Sud e achì  il troi al devente un biel sarpinton ch’al puarte sù a lis bochetis dal Zaiavor indulà che si pues bielzà  gjoldi di un biel panorame sù la mont furlane e di une biele aiarute frescje . . . lassât il troi 727 si cjape la biele e dure sarpentine che nus puarte in cime . . . achì il troi al è plen di claps e la pendence inte trate di mieç e je fuarte. . . lant sù e conven tignîsi simpri a çampe. . . e cuant che si viôt la crôs si pues finalmentri tirâ flât . . . une cleve pardabon dure ma ae fin la bielece de mont furlane nus ripaia di dut e il cûr al è cjapât di une biele sensazion di pâs. . . po dopo, chest troi mi à  stiçât la vene poetiche inalore ve chì doi biei haiku . . . gjoldeit . . .

Fueis bagnadis
Sot dai pîts
mi pituri d’Autun. . .

Foglie bagnate
sotto i piedi
mi coloro d’autunno

Biel planc a planc
O rivi in cime,
Dentri di me dome pâs.

Con passi lenti
Sono in cima,
Dentro di me solo pace,

Buinis cjaminadis a ducj !!!

Monte Zaiavor, 23 di Otubar 2023, cjale il filmut

#peaceandlove

☮ − ☯ − ☵ − ☸ − 🌍