. . . Varmost 1, 2 e 3. . . la pipine e fâs il cafè
Vuê, graciis ae Istât di S. Martin, o ai fat un biel zîr fintremai a For Disore. . . parcade la machine al 98 di vie Chianeit, o soi lât sù dilunc il CAI 207… pôc prime di rivâ lì dal ripâr Som Picol a drete si viôt il biel Clap Varmost indulà e je la ferade Adventure Climb che o ai ancjemò di provâ a fâ ma che a disin jessi bielonone cul puint tibetan e i passaçs che a discjadenin l’adrenaline . . . po dopo o soi rivât ae malghe Varmost indulà che in Istât a son lis vacjis e naturalmentri si cjate dal bon formadi. . . achì mi soi fermât par gjoldi dal panorame che, intune zornade soreglade come chê di vuê cuntun cîl blâf, al jere spetacolâr. . . si viodevin ben l’Antelao, Marmarole e di chê altre bande il Clapsavon. . . o ai dade ancje une bocjade e po dopo o soi lât sù par il troi ch’al puarte sù la mont Simone rivant fin lì de stazion dal Varmost 3, sot de cime de mont Crusicalas a 2068 m. . . intal ultin toc al jere avonde nêf glaçade e la buere frede si faseve sintî. . . lant jù subite dopo la stazion Varmost 2 bisugne fâ un tic di atenzion par vie che i claps dal troi a son cuvierts di glace e jo o ai fate une biele sbrissade macolant il cul e il braç ma par fortune nuie di seri. . . mi à tocjât ancje cheste, pazience al passarà . . . in sumis une biele cjaminade cuntune zornade maraveôse. . .
🙋
📈 D+: ~1100 m
🔄 Cjaminade: 12 km A/R par EE
🕚 Timp: 5 h cun sostis
Buinis cjaminadis a ducj !!!
#peaceandlove 💙
☮ − ☯ − ☵ − ☸ − 🌍