Anìn a grîs: Cjante Furlane Fuarte . . .
Une bielonone poesie, plene di sintiment, di Marie Grazie Di Glerie e devente une cjante interpretade de biele vôs di Alice. La musiche e je di Marco Liverani.
Anìn a grîs usgnot
jenfri jerbe e tiere
dongje il Tiliment.
Anìn a pièrdisi tal scûr
fra sterps e cîl
cence carnîrs nè bês.
Siôrs di libertât a racuei
grignei di vite e respîrs di ajar net
e a durmì di voie sul jèt
d’arint da l’aghe cence pore d’inneâsi
marivèe di sanc lontan da gilugne
e dal lisp dai simiteris.
Anìn a grîs usgnot
jenfri erbe e tiere.
Anìn a grîs usgnot
dongje il Tiliment.
Anìn a stelis usgnot
cun voi discols e musiche
tal flât cjalt
da nestre piçule poesie.
Siôrs di libertât a racuei
grignei di vite e respîrs di ajar net
e a durmì di voe sul jèt
d’arint da l’aghe cence pôre d’inneâsi
marivèe di sanc lontan da gilugne
e dal lisp dai simiteris.
Anìn a grîs usgnot
jenfri jerbe e tiere.
Anìn a grîs usgnot
dongje il Tiliment.
Look at… the movie: Anìn a grîs
#peaceandlove
☮ − ☯ − ☵ − ☸ − 🌍
