UNIVERSITÂT DI CIVIDÂT

UNIVERSITÂT DI CIVIDÂT, UNE DES PLUI ANTIGHIS

Tal 1353 daûr de istance dal patriarcje Nicolau di Lussemburc, so fradi, l’imperadôr Carli IV di Lussemburc, al ricognossè a Cividât il titul di “Studium generale“.

La citât che e jere za un centri politic e comerciâl impuartant, e deventà  ancje sede de Universitât che e veve il fin di permeti ai students Todescs, Ongjarês, Slâfs e di Chenti di studiâ plui dongje cence vê di lâ fin in Lombardie.

Al va dit che Carli IV al veve di cognossi ben Cividât viodût che al jere stât ospit de citât daûr dal invît dal grant patriarcje Bertrant di St. Geniès che al veve a cûr i interès dal puest, ancje se po l’imperadôr al complotâ  par fâlu fûr a San Zorç de Richinvelde ( 1350 ).

Ma cheste a je un altre storie.

Tornant ai dîs di cumô, o pues zontâ che cuant che e je stade inmaneade l’Universitât di Architeture a Udin e varès dovût jessi ancje spazi par fâ dai cors a Cividât.

Ma stant che e jere di pôc stade inmaneade ancje a Triest le stesse facoltât non al è stât plui pussibil vele ancje a Cividât.

O disarès ch’al sarès ore di fâsi rispietâ, ce diseiso po, domandant le sieredure de facoltât di Triest parcè che e je in concorence con chê di Udin e meti in vore i cors a Cividât che al à  une storie culturâl une vore antighe.

Cjalait lis fotos di Cividât >>

#peaceandlove

☮ − ☯ − ☵ − ☸ − 🌍