In cime al Sernio:
cun il cûr plen di gjonde, di ca sù, un biel
Mandi a ducj
Cheste cjaminade e je stade par me la prove dal fûc . . . di fat, lant dibessoi, par rivâ in cime bisugne vê buinis gjambis, un bon cûr ma soredut rivâ ad ore a stâ in pâs dentri di se, ven a stai dibisugne vê un cjâf calm.
La fadure e je stade tante ma la sodisfazion di cuant che tu tu rivis in cime a la mont Sernio ti jemple il cûr di gjonde ripaianti di dut. Il panorame al è maraveôs e la aiar frescje.
O soi stât 4H40 par rivâ insom fasint diviersis fermadis par tornâ a cjapâ flât e 3H50 par tornâ indaûr. O ai ancje fate une pause di 25 minûts in cime, insome a coventin plui o mancul 09H00 oris par lâ e tornâ.
Mi soi puartât daûr 2 l di aghe e ancje alc di gustâ par tornâ a cjapâ lis fuarcis e ringraciant il Signôr al è lât dut ben.
O puès dome che jessi contenton di cemût che o ai sierade cheste biele Istât 2022.
Buinis cjaminadis a ducj !!!
Sô Maestât la mont Sernio
e in bande a cjampe la regjine la tor Nuviernulis
#peaceandlove
☮ − ☯ − ☵ − ☸ − 🌍
P.S.
Un graciis a ducj chei che a àn piturâts i bolins dilunc dal troi che a son une vore impuartantons par rivâ a lâ sù ben …
O ai fat ben 25.500 pas superant un disnivel di … D+ 1600 m . . . une vore conseâts i scarpons che a rivin a tignî il pît plui stabil … jo lant sù cun lis scarpis bassis di trail running mi soi cjatât cun il pît ch’al balave il tweest e ch’al patinave sui claps…