Panorama dal Monte Glemina

Mont Glemine

e i piçui zupets che a cjapin il soreli dilunc dal troi . . .

Daspò vê parcade la machine insom de vie Sottomonte a Glemone si cjape la vie mont Glemine indulà che  si cjate il biel lavadôr di pôc timp fat sù come ch’al jere une volte e cjalant ad alt si viôt come un puint in piere parsore de galarie e chel cuant ch’al plûf e je la pissande dal Glemine, pôc plui indenat cjalait ben a cjampe par cjoli il troi ch’al va sù dongje de galarie e di lì lait par la strade turistiche e dopo 100 m al tache il troi CAI 716 ch’al puarte sul Cuarnan … rivâts ad une crosere si cjate la tabele par lâ sul Glemine … di chì indenant il troi al è un spetacul par vie dal panorane che nus lasse gjoldi sul Tiliment, su Glemone, su la mont Brancot e v.i. di plui in cheste zornade maraveose cuntun cîl celest cence nancje un nûl e un soreli ch’al scjaldave ben si podevin viodi a svolâ chei cun il “parapendio”… rivâts li de anconute faseit atenzion, stant che nol è segnalât ben, a cjapâ il troi che si cjate daûr de anconute e di lì in dôs minûts si rive in cime dal Glemine ( 721 m ) … indulà  che si cjate une biele crôs fate cun dai tubos taronts … di chì si puedin viodi il Cuarnan, il Cjampon, il Simeon e v i. insome une zornade bielonone par lâ a fâ une cjaminade par la mont furlane . . .

Buinis cjaminadis a ducj !!!

Monte Glemina
Monte Glemina – 721 m – Friuli

#peaceandlove


☮ − ☯ − ☵ − ☸ − 🌍




Commenti

Una risposta a “Mont Glemine”

  1. P:S.
    …un graciis di cûr al trop di amîs di Glemone par vê tornât a fâ sù il biel lavadôr in vie Mont Glemine… 💙👏🙋

Questo sito gestisce tutti i dati trattati nel rispetto del Regolamento europeo noto come GDPR che riguarda il trattamento e la libera circolazione dei dati personali, inoltre utilizza i dati al solo fine di fornire i servizi richiesti. I cookie ci aiutano a fornire i nostri servizi. Utilizzando tali servizi, accetti l'utilizzo dei cookie da parte nostra. Nessun dato trattato è fornito a terze parti.
Privacy Policy OK !