Le montagne di fronte a malga Tuglia

Lis motoslitis ator pe mont furlane

Storie di cemût che cinc piçui comuns de Cjargne a àn aministrât i fonts PSR . . .

E jere une cjalde zornade d’Istât cuant un trop di zovins a tacavin a lâ dilunc il troi des bandis di Sostâs … a pene tacât a cjaminâ a sintirin il rumôr fuart di un scavadôr a bene e fate la svolte lu vioderin lì denant ch’al slargjave il troi spostant la tiere par fâ un stradon … ducj i fantats a restarin scaturîts e biel prest tornant indaûr ur vignî intal cjâf di screâ un grup sù Facebook par difindi il troi e par metisi cussì adun e fâ des manifestazions di proteste fasint sintî la vôs de int ai sorestants che a vevin dât il benstâ a cheste violence sul ambient naturâl . . .

Il grup “Salviamo i sentieri CAI 227 e 228” al ve di subit un bon acet e ae prime manifestazion inmaneade, di lì a pôc, si cjatarin in tancj a cjaminâ dilunc il troi CAI 227 … partîts di Plan di Vas a rivarin fin lì de malghe Tuglia gjoldin, vie pal troi, dal biel paesaç . . . lenti cualchidun al tacâ  a fevelâ … ducj a jerin dacuardi intal pensâ che fâ un stradon intun puest tant biel no sarês stade une buine idee sedi par vie dai slacs che a vegnin jù cence padin de mont ( viôt la CLPV ) sedi par il rispiet de tante int passionade di lâ a cjaminâ in pâs dilunc di un troi cenglât de mont cjargnele … cualchidun al berlave disint di sbusâ lis gomis dal scavadôr ma chei altris si meterin a ridi … ae fin a deciderin di lâ a tabaiâ cun i sorestants de regjon e cun i sindics dai piçui comuns par displeâ lis lôr motivazions in difese dal troi CAI 227/CAI228 . . .

Dopo ve fevelât cun i sorestants i zovins si inarcuarzerin biel prest di cjatâsi denant un mûr di gome … di fat i sorestants no rivavin a capî lis lôr motivazions e, stant che i lavôrs a jerin bielzà  tacâts, a lavin indenant cun il progjet di fâ il stradon par fâ passâ lis motoslitis … eh za, i zovins a vevin capît che cheste e jere la finalitât dal stradon, ven a stai mudâ la mont furlane fasint respirâ smog e fasint davoi tant che in citât… biele robe po … di fat il stradon al varês di unî la Cime di Sapade cun il ripâr Chiampizzulon passant par malghe Tuglia, dilunc il troi CAI 227 e il CAI 228 e viazant parsore de cuote de boschete tor dai 1600 m e po dopo, lâ fin a Sostâs passant pe mont Talm . . . un biel zirut, pecjât perô par i puars animâi e pe int che a varês di patî dut chel rumôr e dut chel incuinament … ancje in chest câs i sorestants a pandevin pocje capacitât di viodi lontant no rivant a creâ armonie jenfri economie e ambient …

A chest pont i zovins si domandarin: “Ce fasîno cumô po?” … par fortune a cualchidun i vignî intal cjâf di lâ a cjalâ lis mapis online e si inacuarzê che suntune mape alc nol jere segnât ben … biel cjalant la mape sul sît idrogeo.isprambiente.it al viodê che no jere segnalade la presince di slacs dilunc il troi CAI 227… visâts i compagns ducj si meterin in opare par capî cemût risolvi il probleme . . . la storie e va indenant . . .

Une dì di vore i zovins a larin sù a Rigulât e po dopo a Ludario indulà che a parcarin la machine stant che la strade par rivâ a Plan di Vas e jere sierade e cjaminat a rivarin lì dal troi CAI 227 ch’al jere dut cuviert di nêf … tornant indaûr tor lis trê a rivarin a Rigulât e achî a cjatarin denat di lôr dôs camionis che a stavin passant juste apont par chê strade strete, tant che un budiel, e a vioderin che daûr lis camionis si jere formade une biele code dis machinis … cussì a rivarin a capî che une gnove camionabil e cuventave par slizerî il trafic pesant dilunc la SR355 des bandis di For Davôtri, Rigulât e Comlians… parcè che la alternative e jere dome chê di slargjâ la strade regionâl ma cemût si fâs a slargjâ une strade che e passe intal mieç di un piçul paîs? … cussì a cjaparin cussience che une altre strade par rivâ a Cime Sapade di Davâr e coventave, ancje se e lave progjetade ben par rispietâ il plui pussibil l’ambient e mantignî il troi CAI 227 … la storie e va indenant . . .

Buinis cjaminadis a ducj !!!

#peaceandlove


☮ − ☯ − ☵ − ☸ − 🌍




Commenti

Una risposta a “Lis motoslitis ator pe mont furlane”

  1. …tant par visâsi di cui ch’al à  volût mandâ indenant chest progjet …

    fondi PSR stanziati con bando regionale alla Comunità  di Montagna della Carnia …
    comuni interessati:
    Forni Avoltri, Rigolato, Prato Carnico, Ovaro …
    Progettista dr. Forestale Alessio De Crignis …
    Geologo Danilo Simonetti…
    Impresa esecutrice Nagostonis…
    Rup interno alla Comunità  di Montagna Gonano …

Questo sito gestisce tutti i dati trattati nel rispetto del Regolamento europeo noto come GDPR che riguarda il trattamento e la libera circolazione dei dati personali, inoltre utilizza i dati al solo fine di fornire i servizi richiesti. I cookie ci aiutano a fornire i nostri servizi. Utilizzando tali servizi, accetti l'utilizzo dei cookie da parte nostra. Nessun dato trattato è fornito a terze parti.
Privacy Policy OK !