dilunc il troi des cjasutis bielis . . .
Vuê o vin fate une biele cjaminade simpri inte boschete milenarie di Tarvis ma cheste volte o sin lâts in Val Bartolo cjapant prin il troi CAI 509 e po dopo lant sù drets fin al confin di stât cun l’Austrie, indulà che si cjate la tabele “Achtung Staatsgrenze”… une spassizade une vore biele cuntune pendence dolce e che e passe intune valade indulà che si puedin viodi tantis bielis cjasutis di len e indulà che si cjate ancje la crete par lâ a rimpinâsi… e cuant che si torne indaûr e je la Baita di Beatrice che us da bon acet cuntune buine birute … il disnivel al è pocje robe e intune zornade biele come cheste propit no si sint …
D+ 400 m – 14 km a/r – E
Un biel cîl turchin
sul cjâf cence nûi
nêf glaçade si disfe
Buinis cjaminadis a ducj !!!
#peaceandlove
☮ − ☯ − ☵ − ☸ − 🌍
