. . . Siele Kriz
Vuê o ai fat la prime di Invier dal Grant Mont lant sù par il troi CAI 711 che al tache dal pas di Tanamea e al va sù dilunc il lât Nord de mont… une cjaminade avonde penze par vie de nêf alte, a part il prin toc, che e rint la cjaminade dificil stant che il pît al va dentri di 30 e passe cm ad ogn pas… ad ogni mût o soi rivât a lâ fin in som in graciis des olmis di cualchidun che par fortue al jere za passât di lì e chest mi à cetant judât… rivât in cime la gjonde e je stade massime sedi par il biel panorame sù la mont dute tor ator, sedi par il mâr che si viodeve in lontanance cjalant viers Sud e sedi par il biel soreli che mi à scjaldât il cûr… inte foto di vierzidure o podeis viodi la mont Cjanine in dute la sô bielece… D+ 700 m ma cun la nêf al è come fâ un disnivel di 1000 m… in dut a son ladis 05H … fasint une biele e mertate polse in cime…
. . . Cjale il filmut 🎥 . . .
Lant sù pe cleve
Mi cjali dentri
In som mi busse il soreli
Buinis cjaminadis a ducj !!!
#peaceandlove 💙
☮ − ☯ − ☵ − ☸ − 🌍
Commenti
Una risposta a “Gran Monte”
Dilunc la SR646, ven a stai la strade che di Tarcint e va sù al Pas di Tanamea, plui o mancul 5 km prin di rivâ al pas o ai viodût un pâl di telefon inclinât in mût riscjôs viers de strade cussì tornât a cjase o ai visât la Protezion Civîl che po dopo e à clamât chei di Tim che mi à n clamât par dîmi di visâ i Vigjii dal fûc che par cumò a metaran in sigurece la strade… cuant che o soi passât dongje di chel pâl o ai vude un pocje di pôre par vie che se ti ven intor un pâl dal gjenar no sai cemût che al va a finîle… par fortune al è lât dut ben…